地盤工人最愛蒸魚飯？網民總結5大原因 營養豐富+性價比高 傳聞與1歷史人物有關？
發佈時間：12:05 2025-03-02 HKT
早前，有網民在網上討論區以「點解地盤佬咁鐘意食蒸魚飯？」為題發文，帖子隨即引來眾多網民討論，紛紛留言分享地盤工人鍾愛蒸魚飯的原因。最終網民總結出5大原因，例如營養豐富、味道清淡、性價比高等，其中有網民提出食魚是為了紀念1歷史人物，讓其他網友直言「長知識了」，即看下文了解詳情！
地盤工人愛食蒸魚飯5大原因 營養豐富/味道清淡/性價比高
近日，有網民在網上討論區LIHKG上以「點解地盤佬咁鐘意食蒸魚飯？」為題發文，並配文「今日lunch去茶記食飯，見到有枱8個地盤佬都係食緊蒸魚飯，有冇地盤友解答下？」帖文隨即引來大量網民留言討論，更總結出5大原因：
1. 營養豐富
蒸魚飯中的魚肉可補充蛋白質，白飯則可補充碳水化合物，對於從事體力勞動的地盤建築工人來說，蒸魚飯不只飽肚又有營養，是個不錯的選擇。
2. 方便快捷
蒸魚飯製作方法簡單，通常一份已包含飯和魚，無需額外準備其他菜餚，快速用餐後可稍作休息，再返回工作崗位。
3. 味道清淡
蒸魚飯味道清淡，與油炸或煎炒食物相比，味道不濃重且不油膩，亦較健康。尤其在夏天或炎熱天氣中，工地環境往往悶熱難耐，食用清淡的食物更為舒適。
4. 性價比高
網民認為蒸魚飯十分「抵食」，雖然食材成本高，但售價卻與其他碟頭飯差不多，既經濟實惠又能飽肚，是一種高性價比的選擇。
5. 食材新鮮
一旦魚肉並非新鲜，蒸煮出來的味道和口感都會變質，因此食蒸魚飯可以確保食材新鮮。
地盤工人食蒸魚飯原為紀念1歷史人物？
帖文一出引來熱議，不少網友紛紛留言，「好似唔係淨係地盤佬，以前嗰代啲麻甩佬真係好鍾意喺茶記食蒸魚飯，我老竇都係」、「做得咁辛苦，食下海鮮慰勞下自己」、「都係海鮮，即係貴價嘢，有著數」、「年紀大咗自然會鐘意食，以前成日食豬牛雞扒飯，而家都開始鐘意去茶記食蒸排骨肉餅飯嗰啲」。
有網民更指出，原來食魚是為了紀念歷史人物——中國工匠祖師魯班，「傳說工匠嘅始祖係魯班先師，為咗紀念佢，自秦漢起地盤師傅就會在初一、十五食蒸石斑紀念佢，後來因為戰亂，所以先用其他魚代替」，讓其他網友直言「長知識了」！
圖片及資料來源：LIHKG討論區
文：Y
延伸閱讀：網民執屋驚見30年歷史美心舊餅卡！聲稱永久通用官方咁回應 網民建議：收藏做古董好過啦
