日式牛扒餐廳「踩過界」賣早餐！$29叉燒拉麵/$16夢王蛋出前一丁指定分店周末限定（附地址）

更新時間：15:32 2025-03-03 HKT
發佈時間：15:32 2025-03-03 HKT

日式牛扒餐廳「踩過界」賣早餐？近日，有網民在社交平台上發文，稱有日式牛扒餐廳分店推出周末限定早餐，最平$29就可以食到日式叉燒拉麵，出前一丁配日本夢王蛋亦只需$16，價格低廉之餘，味道亦相當不錯，即看下文了解詳情！

日式牛扒餐廳「踩過界」賣早餐！ $29叉燒拉麵/$16夢王蛋出前一丁

近日，有網民在Facebook群組「香港茶餐廳及美食關注組」中發文，指日式牛扒餐廳「岩盤牛扒」天水圍分店推出周末限定早餐，形容「朝早$29真係食到碗叉燒拉麵」！根據樓主上傳的照片可見，豚骨湯底拉麵配有叉燒、海帶、玉米及半隻溏心蛋，價錢只需$29，相當划算！除了基本拉麵款式外，食客也可按照喜好添加配料，分別有木耳絲、泡菜、溫泉蛋、炸雞粒、牛肉、煙鴨胸等可供選擇，每款價錢由$6起。

餐廳另一款早餐是$16起的夢王蛋出前一丁，顧客同樣可追加配料，有午餐肉、火腿及香腸，當中1餸加$14；2餸加$22；3餸則加$26。「岩盤牛扒」的早餐只限天水圍分店及周末上午9時至中午12時供應，有興趣嘗試的讀者要留意！

網民留言：又靚又抵食

帖文引起網民熱議，不少網民留言大讚「性價比高」、「好味喎，今時今日29蚊，又有流心蛋叉燒麵做早餐」、「香港仲有咁平、性價比高嘅早餐」、「啱啱食完有下次」、「聽朝要去食，抵到咁」、「好味，性價比高，可再食」、「性價比好高喎，下面個港式仲抵食，可以隔日食唔同款，多謝報料！」同時亦有網民質疑「$29有冇伏先？」，樓主則回覆指「中晒伏啦，搞到要朝朝早起身去食」，間接稱讚食物相當「抵食」！