港女怒轟人氣牛扒餐貨不對辦！牛扒/薯蓉常溫上枱+米飯「生骨」失望呻：味道冇問題但溫度影響一切

更新時間：17:42 2025-03-11 HKT
發佈時間：17:42 2025-03-11 HKT

到餐廳品嘗期待已久的餐點，最怕就是遇到「貨不對辦」的問題。最近有網民在社交平台發文，指自己早前特意前往一間人氣頗高的蛋包飯餐廳，期待品嘗其全新推出的和牛餐，惟食物質素卻未如預期，不只友人點的蛋包飯米飯「生骨」，和牛餐的牛扒、薯條及薯蓉都是常溫上桌，讓事主倍感失望，大呻「味道冇問題但溫度影響一切」。

人氣蛋包飯餐廳食材「牛扒餐」常溫上枱？蛋包飯米飯「生骨」

近日，有網民在Threads上發文，怒轟人氣蛋包飯餐廳食物貨不對辦，質素不如預期。樓主表示，因為經常在社交平台看見有關該餐廳的帖文，而且餐點正合心意，「牛、薯條、薯蓉直頭正中我死穴」，故特意前往餐廳一試。當日她與男朋友分別點了1份和牛餐及1份黑毛豬肉餅加黑豚肉蛋包飯，「佢（男朋友）嗰份上先，我食咗兩啖」，但無論是黑豚肉、肉餅，或是蛋包飯的米飯都是常溫，而且米飯也有「少少生骨」，樓主當時心想「應該佢嗰份咁啱啫」。

不料，樓主點的和牛餐亦有同樣問題，「成份無論係牛，薯蓉同薯條都係常溫嘅」。原以為需要等待較久的原因是由於薯條需要油炸，但是「一食落去，又係常溫」，其他食材更是「同啲沙律菜一樣咁凍」。食物質素讓樓主倍感失望，表示「味道冇問題但溫度影響一切」、「薯條都凍真係嬲」。

網民留言：炸嘢凍咗係死罪

帖文引起網民熱議，不少食過的網民都分享自己的「中伏」經歷，「琴日5點半入去食，全部都只係暖，飯同樣有生骨，個汁冇乜溫度可言同埋稀咗啲」、「真，今日我收到份牛係咁樣，薯條薯蓉都係凍嘅，沙律菜勁乾身」、「勁多人排隊超爆場，一送上嚟2分鐘內已經食，但係啲嘢食係微暖唔係熱」、「兄弟你嗰碟算係咁，我呢碟似叉燒」。有網民則表示，「炸嘢凍咗已經係死罪」、「原本價錢上吸引，但見大家食完講嘢食唔熱就真係唔夠膽試」。

圖片及資料來源：Threads@mudq0209、Threads@_hugogouh_

文：Y