稻香燒味檔擴充賣兩餸飯！龍蝦/瀨尿蝦/鯇魚淨餸$38起兩餸飯關注組版主讚抵食惟有3點需改善？

更新時間：16:15 2025-03-26 HKT
發佈時間：16:15 2025-03-26 HKT

近年兩餸飯店愈開愈多，更有酒樓食肆「加開」兩餸飯生意，希望在這個熱潮下分一杯羹。最近就連大型連鎖酒樓稻香也加入戰團，擴充燒味檔加設兩餸飯部門，小菜每款售$38起，「香港兩餸飯關注組」版主Andrew在社交平台分享食評，認為菜式味道不俗且「抵食」，又指酒樓懂得善用優勢，推出特別菜式如龍蝦、瀨尿蝦、炸班球等，惟部分安排仍有待改善，即睇詳情！

稻香酒樓燒味檔擴充賣兩餸飯！淨餸$38起兩餸飯關注組版主實試有讚有彈

位於屯門海趣坊的稻香分店燒味部近日加設兩餸飯區，Facebook「香港兩餸飯關注組」版主Andrew亦有發文分享食評，大讚酒樓出品味道有保證，而且份量十足！他在帖文中表示，稻香兩餸飯的小菜售$38/款，一般菜式賣相不錯，「望落都幾精神，色水唔錯」，同時有發揮酒樓優勢，推出使用貴價食材的餸菜，如龍蝦、瀨尿蝦、炸班球等，加上設有永久設備，估計是希望「長做兩餸飯／淨餸」，並以兩餸飯店「龍頭」權發小廚作為參照對象，甚至是假想敵。

稻香兩餸飯獲讚抵食份量足！惟有3點需改善？

版主Andrew表示，他是次購入鯇魚及紫羅雞球埋單合共$76，認為鯇魚肉質及調味都相當不錯，而且$38有兩大件，「份量贏晒」，回覆網民時亦形容「抵食及好食」；而紫羅雞球火喉夠，味道與平時酒樓無分別。

與此同時，版主Andrew亦就稻香兩餸飯提出3點需要改善的地方，首先是由於員工未熟習，處理客人的速度慢，導致門外出現人龍；出餸速度不平均，版主Andrew表示當時付款後「得返四五個餸盤夠餸」，有其他食客揚言「排到嚟想食既都無晒」，幸後來廚師一次過再拿出三、四盤餸，否則選擇餸菜時有機會「無得揀」；揀餸區空間不足，廚師拿出新餸菜後侍應指沒有位置擺放，提醒酒樓要預留擺放餸菜的空間，「煮好幾盤先放埋一邊，一旦唔夠餸，姐姐立即捧出新一盤」。