連鎖茶記轉賣麥可可/麥樂克！踢走經典阿華田/好立克網民︰你飲得出分別咩？

更新時間：11:10 2025-03-28 HKT
發佈時間：11:10 2025-03-28 HKT

阿華田、好立克、美祿等都是香港茶餐廳經典的沖泡飲品，在每間茶記或冰室餐牌上的飲品類中，幾乎都會見到它們的名字，亦是不少港人的童年回憶！不過，最近有網民就發現，一間連鎖茶餐廳將阿華田及好立克這兩款茶記名物「踢走」，反之換上了「麥可可」及「麥樂克」這兩款飲品，引來大批網民熱議，即睇內文詳情！

連鎖茶餐廳棄賣經典飲品轉賣麥可可+麥樂克

日前有網民在facebook群組「香港茶餐廳及美食關注組」上發文指，在錦英苑某間連鎖茶餐廳的後欄發現了有多箱貨品，而其中兩箱盒上寫了「麥可可Macocoa麥芽營養朱古力沖劑」及「麥樂克Oatinn麥芽營養沖劑」等字眼，並指店家「連阿華田同好立克都唔用」，疑似棄賣茶記必有的阿華田及好立克飲品。

餐牌都寫麥可可/麥樂克網民質疑「有咩問題？」

帖文引來大批網民留言，有人更上載了這間茶餐廳的餐牌，指「佢餐牌都係寫麥樂克同麥可可，有咩問題？」、「人哋轉咗好耐啦」、「本人覺得冇問題呀，大家覺得有問題可以吾入去食咪得」、「佢無呃你，手機落單的確係呢個名」。另外亦有網民表示「老老實實，當年做過餐廳，阿華田好立克真係好貴。想整杯好飲既，然後賣十幾蚊杯比你係完全冇得賺」及「阿華田好立克的成本好高，除非用小小粉去沖，唔係根本計不到數」等。

但有人質疑「你飲得出分別咩」，有曾經飲過麥可可及麥樂克的網民就回應能分辨得出來，表示「飲完麥可可個口喺苦既」，甚至是「好難飲」。事件更引來部分網民重提這間連鎖茶餐廳出品的「無檸檬」檸檬茶，疑似是用檸檬沖劑製作，認為「香港淪落到劣吃至極」及「自從飲完冇檸檬既檸茶就已經永久blacklist呢間嘢」。

資料來源︰香港茶餐廳及美食關注組@fb