大埔糖水店室外曬木匙羹？網民質疑洗完重用：咁潮濕實有霉菌！店方親自解畫……

飲食

更新時間：15:00 2025-04-25 HKT
發佈時間：15:00 2025-04-25 HKT

大埔糖水店驚見室外曬木匙羹？最近有網民發現有大埔糖水店於店外放置大量木匙羹，質疑店方清洗後曬乾重用，引起熱議，不少人擔心有衛生問題，「呢幾日咁潮濕實有霉菌」，《星島頭條》記者致電於店方查詢並獲回覆，即看內文了解詳情！

大埔糖水店室外曬木匙羹遭質疑洗完「翻用」？

最近有網民於Facebook群組「大埔 TAI PO」發文，指發現大埔一間糖水店於店外放置大量木製匙羹（來源：大埔 TAI PO@Facebook）

畫面猶如「曬魚乾」，令網民質疑店方是否清洗後曬乾重用。（來源：大埔 TAI PO@Facebook）

最近有網民於Facebook群組「大埔 TAI PO」發文，指發現大埔一間糖水店於店外放置大量木製匙羹，畫面猶如「曬魚乾」，令網民質疑店方是否清洗後曬乾重用。

網民街坊憂「咁潮濕實有霉菌！」店方親自解畫

貼文隨即引起熱議，有網民擔心衛生問題：「回南天咁潮濕有機會生蟲同發毛（霉）」、「其實唔應該咁風乾，會有塵。」、「響應環保」、「溫馨鼓勵貴客自帶餐具啫」、「而家唔只係木匙羹嘅問題，係衛生意識嘅問題！」

有人則表示反駁並懷疑樓主「看圖作文」：「又唔好屈人翻用，可能受咗潮想整乾」、「你點知佢係曬緊兼重用先？」、「外賣比人拎咗點重新用？笑咗出聲，留地址去人地屋企執返？一係佢堂食都係用呢隻（雖然唔係重用，但應該都唔衛生）」、「未必因為重用嘅，可能室內太濕，驚發霉。可能已發現有霉菌。」、「影張相就自己作圖作文」、「可能做小勞作呢？」

《星島頭條》記者致電店方查詢，獲回覆指：「因木匙羹被弄濕才放到戶外曬乾，木匙羹主要用作外賣用途，不會向堂食客人提供。」，並強調不會重用木匙羹。

來源：大埔 TAI PO@Facebook