東涌櫻花｜批賞花人群踩爛草地/偷影畫作　街頭畫家怒轟：香港人請尊重自己！

更新時間：16:15 2023-02-13
發佈時間：16:15 2023-02-13

東涌櫻花｜要數最近最熱門的賞櫻地點，非東涌櫻花莫屬，櫻花花海吸引不少港人前往打卡。不過日前就有位網民發文批評有部分賞花人士缺德，不滿不少人不但為了打卡而行入草地、踩爛灌木林，更沒有經他同意偷影畫作，忍不住當場與對方理論，直呼：「唔好做啲咁失禮自己嘅嘢啦！」

東涌櫻花｜街頭畫家怒轟打卡人士3大缺德行為

最近有網民在FB群組「香港風景攝影會」發文分享不快經歷，近日他到東涌櫻花赤鱲角南路一帶繪畫街頭風景畫，他表示知道自己多工具，已經在盡量遠離人群的位置繪畫：「特登走去個背光位，廢事阻住大家影相。」怎料還是有不快事件發生。「啲人無禮貌到我發脾氣！」

網民表示目睹不少賞花人士為了打卡，徑直行入草地：「踢死晒啲灌林入草地影，個草叢爛晒啦！」他稱有班70、80歲的老人家行入草叢打卡「點講佢哋都唔走返出嚟」更指對方解釋：「其他人踩死晒我先上來嘛！」令他忍不住與對方理論：「植物都有生命，尊重生命尊重自己！」又指：「你哋睇吓你哋自己咩水準啊！你哋可唔可以尊重下你自己呀！」

他又指有不少人看到他在作畫時，沒有經他的同意下偷拍畫作，他開口叫停時對方辯稱沒有拍攝到樣貌，而只是拍攝畫作，令他感到不滿，反指：「如果我見到你個女好正，我唔影樣只影腳、只影裙底又得唔得？」又表示若果對方有預先開口問，便不會介意反而會熱情對待，指：「打聲招呼係咪真係咁困難呢?」

網民續指有人行近打卡時，非但沒有打聲招呼，更「批踭」撞頭，對方反而指責他阻礙他們打卡，他氣憤直指：「行近他人打招呼係基本禮貌，撞到人要say sorry（道歉）！」、「行到埋嚟應該打聲招呼，大家可以就一就個位呀嘛。」遭到途人批評他「霸位」影響其他賞花人士，他無奈表示：「我特登揀嗰個豬頭骨位，又遠又背光都可以被人話我專登霸左一個最靚嘅位……」

東涌櫻花｜網民齊撐：香港人乜都好快玩爛！

網民的貼文在網上引起熱議，不少人齊撐樓主並感謝他俠義出聲制止缺德行為，又指每當有新的打卡位出現，不少人都會一窩蜂湧去，破壞安寧之餘更破壞環境，有人指：「見住啲人係咁踩啲草，啲草扁晒爛晒，個心忽然會好噏。」、「當日親眼見證大媽摧花！」、「上次都有保安大聲叫啲人唔好行入草地影，叫到喉嚨都沙！」並呼籲：「如果大家都開口，呢啲人就唔敢亂來！」