街市奇觀｜順利邨街市驚現$40箱青根$50蚊箱紅衫!! 行內人稱成本過百 點解蝕本都要賣？
發佈時間：15:50 2023-04-19 HKT
觀塘順利邨街市魚檔又再湧現超便海鮮！！早前有網民在fb群組「香港街市魚類海鮮研究社」發貼稱，自己在順利邨街市以$40買了一箱青根，竟有近40幾條魚！大讚：「一蚊一條魚想食X傻我吖！」但原來「抵處未算抵」，隔2天有網民前往同一街市的魚檔探個究竟，再發貼稱：「今日4點前去睇下，見只得2盆，要4點半才開賣，等了約15分鐘終於買到1盆青根魚……回家称下，青根魚差4兩便7斤，劏了近45分鐘，魚有70條！」還說有排食喇！
繼青根魚後，有網民昨天再往魚檔「執」便貨，發現又有新驚喜，今次輪到紅衫，「50蚊一箱紅衫，呢個係我見過最Ｘ離譜嘅價錢！」還大讚老闆好好人！目測每箱內都裝有十多二十條紅衫，看來是貨真價實，並沒取巧。
網民擔心：一條魚價錢都唔夠，重要一箱好有問題？
街市湧現如此超低價海鮮，即惹來網民熱烈討論，有人直稱「抵到爛！」，更說「哩個價三十年前都唔得」、「價錢超出咗我嘅認知度」，甚至稱「呢個吾係批發價，係蝕本價。」但也有網民擔心，海鮮便宜得有點不合理，可能有「古惑」，「太便宜就事有蹺蹊」、「一條魚價錢都唔夠，重要一箱，好有問題？」、「咪就係4:30分，4:30人人去佢度行下，4:35分~冇！」認為是宣傳手法。也有網民很實際，稱一次過購買如此多魚，吃及處理都是問題，「劏魚都劏到手軟！」「食得晒？都留唔得耐。」又稱「兩條一餐都要食一個月，食完可能見到魚都驚。」然後有網民獻計，「自備膠袋2至3人分」、又稱住附近的居民可夾錢團購，「一户分一D，反正一箱你又食唔晒，最好2户買一箱，每人$20，自已2家人分D。」還說剩下的魚可送給附近的長者、獨居者或有需要嘅人士，「比起買支旗仔更有意義啊！」
行內人解釋蝕住賣原因：好爛市！
對於有魚檔出售$40一箱青根、$50一箱紅衫，究竟行內人怎看？據香港海鮮聯合總會主席李彩華早前回應媒體稱，據他了解該魚檔的老闆是真的「蝕住本賣魚」，雖然該老闆已直接向漁船收貨，但1箱魚成本價也要過百元。至於為何蝕住本都要賣？他稱可能是因為近日不少市民都回了內地或出外旅行，令街市生意慘淡，「好爛市」，部分檔主甚至不開店，大便賣只為「省靚招牌」，順便益街坊。至於香港街市魚類海鮮研究社社長同樣曾就此事回覆媒體，稱魚檔老闆從事批發，因市道靜貨賣不完，因此在臨收工時拿出來賣益街坊，又稱從事魚類批發日日有貨返，因此魚都不會入雪櫃，會日日清，更建議街坊可將買回來的大批魚用來煲湯最好不過。
圖片來源：「香港街市魚類海鮮研究社」fb群組
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
