網民盤點全港10大「死場」商場昔日潮流勝地chic之堡/這個商場陰森似有結界

更新時間：16:39 2023-07-17
發佈時間：16:39 2023-07-17

自從通關復常後，香港各區商場的人流明顯增加，不過有些商場仍然死寂一片。早前就有網民熱議全港「死場」商場，有不少都曾經「風光一時」，隨時代改變而變得成為了吉鋪多、人流少的死寂商場，以下最多人討論的「香港10大死場商場」，大家又有沒有印象呢？

全港死場商場 1.佐敦恆豐中心

位於佐敦的恆豐中心早於1982年落成，結合了商場及酒店，商場「恆豐商場」位於二樓至地下二樓，三樓以上為恆豐酒店。恆豐中心位置可稱得上黃金地段，位於人流極旺的彌敦道，而且佐敦地鐵站出口直出便到達。不過有網民指人流稀少，「次次行過都覺得好大，好似好多野行，但又無乜人行。」、「得lunch time時段food court先叫多啲人」、「睇Google map先知
叫恆豐商場」、「恒豐一般來講唔算死場，但考慮埋係地鐵出口算黃金地段，人流就真係少」

全港死場商場 2.佐敦廣場

同樣位於佐敦的佐敦廣場樓高4層，前身是70年代著名的「伯爵酒樓」，不過自從酒樓於90年代結業後，只有雀會、桑拿館等商舖短暫進駐，現時廣場空無一人，即使位於人流多的佐敦道，亦淪為「市中心死場」，甚至被稱為「佐敦鬼城」。外牆掛上的巨型時鐘更一直指向8時20分。網民笑指荒廢程度「可以入去打喪屍」、「應該喪屍都唔入」、「有喪屍嘅話可能呢到最安全」

全港死場商場 3.荃灣海濱廣場

知名死場「荃灣海濱廣場」已空置達10年，並有指於去年以13億元全幢放售。荃灣海濱廣場於1990年開業，設有戲院、溜冰場、永安、機舖、曲奇船長自助餐廳、酒樓，曾經一時興旺，後來部分變老人院、區議員辦公室，愈見蕭條，最後出現大量凋空的狀態，現時全面封閉，加上廣場位於墳場附近，時有鬧鬼傳聞，網民一致認同荃灣海濱廣場是死場商場！表示「好陰森，似有結界」、「以前同朋友行開附近入咗去搵廁所，入面真係有種鬼片片場feel」、「呢個係廢墟」、「細個每逢拜山啲親戚都約嗰到等，每次都覺得個商場好似死人商場咁，唔敢自己走開」、「呢個真係大佬」

全港死場商場 4.Chic之堡

位於旺角的Chic之堡曾經是潮流勝地，多年來都以售賣男裝為主，在「MK年代」更有「女裝去旺中、男裝去Chic之堡」的說法，後來Chic之堡轉手改名為W Plaza，貨品變化不大，加上「MK」潮流沒落，不再是年輕人置裝的商場，人流大不如前。不少網民指Chic之堡是集體回憶「以前覺得入面啲嘢好潮，買完就可以脫毒」、「中學雞謝師宴好似係喺嗰度買西裝」、「正常80、90後應該都去過啦」、「以前未有淘寶嗰時好多無乜錢嘅中學雞去嗰度買衫褲」

全港死場商場 5. iSquare

位於尖沙咀黃金地帶的iSquare竟然都被稱為「死場」？一出地鐵站直達商場內，以往曾是人人必去的商場，不過隨著場內的連鎖店結業，如今iSquare只有超級市場以及戲院有較多的人流，越高層越少人，同區其他商場，如The One、美麗華、K11 artmall等等，都比iSquare旺得多。難怪網民紛紛表示「淨係去睇戲」、「連住地鐵站都死場」、「真係幾死，主要太細，自轉一圈已經睇晒啲鋪，啲人淨係搭電梯」、「連餐廳7 8點都係即時有位，鋪頭基本上食完飯閂晒，鬼城咁」、「週末都得小貓三四隻算死，啲人淨係睇戲咋，我覺得同佢設計有關」

全港死場商場 6.荃立方

荃灣街坊應該都對荃立方的外牆有印象，但是即使鄰近街市街及千色匯，這個商場甚少人流。有指場內曾分拆成206個「蚊型」舖位出售，不過現時場內有大量吉舖，有荃灣網民稱「我住喺荃灣咁多年都真係未入過荃立方…（雖然成日會去佢對面街市買餸）」、「行過都唔會入去」

全港死場商場 7.龍珠商場

九龍城龍珠商場曾經是遊戲機迷的朝聖地，80年代龍珠商場有大量賣遊戲機、卡帶、二手遙控車等店舖，遊戲機舖成行成市，直至90年代末，隨著啟德機場搬遷人流大減，以及智能電話興起，遊戲機漸漸不再受歡迎，商場亦因而沒落。「當年（龍珠商場）都係中小學生蒲點，動漫遊戲AV都有，而家真係唔知仲有乜。」、「聽講以前係機迷聖地，拍得住深水埗黃金，自從機場搬走咗，成個九龍城都做唔住啦。」

全港死場商場 8. 觀塘碼頭廣場

觀塘區出名多工廈人流多，不過位於觀塘海濱附近的觀塘碼頭廣場卻是區內出名死場，不但位置偏辟，而且商場內沒有甚麼店舖，荒廢多年，有人表示該商場專做內地旅行團生意，不過亦有人指即使是疫情前後該商場都未曾「旺」過：「我幾年前喺觀塘碼頭見過有團，有個領隊舉旗仔，不過冇見過有團入去商場消費喎」，亦有人指觀塘碼頭廣場感覺與荃灣海濱廣場差不多，不過有人回應指：「海濱花園廣場都好佢好多，話晒海濱花園有人住！」、「嗰個位無乜人流，得個公園，日頭啲人要返工，唔會喺公園附近出沒，公園得退休一族，師奶湊仔，晚黑就好靜了」

全港死場商場 9.紅磡廣場

紅磡廣場是區內歷史最悠久的商場之一，裝修至今仍保留80年代商場風格，商場曾經有戲院、遊戲機舖、漫畫舖、相機舖，雖然現在仍有街坊和打工仔到紅磡廣場覓食，但是相比起10多年前，紅磡廣場人流已不復往昔，網民表示：「靠幾間餐廳，有兩個鐘人流，其餘時間其他商店，無論幾平租，蝕人工都蝕死」、「面積大但好少人行」