光榮米線結業！駱駝漆食肆恐「一鋪清袋」連登仔反轟觀塘工廈食肆3宗罪
發佈時間：11:59 2023-08-29
日前，駱駝漆大廈光榮米線接獲地政總署通知，指其店舖只能用作工業及貨倉用途，故要求店舖停業，事件成為城中熱話。事實上，駱駝漆大廈向來是觀塘居民及上班族的飯堂，每次一到午飯時段，每棟大廈門外都總是排起一條長人龍。不過最近有網民於討論區中發起帖文，討論駱駝漆大廈食肆未來去向，卻發現不少街坊對區內工廈食肆並不正面，更力數3宗罪，直指不少工廈食肆「又貴又垃圾」！
點擊睇網友怒數駱駝漆大廈食用餐中伏經歷：
網民怒數駱駝漆大廈食肆3宗罪 1.價錢貴過中環
駱駝漆大廈位處觀塘工廈地段，不少外人也會以為於食肆價錢貼地親民，但不少網民卻指出事實並非如此，大鬧「個價仲貴過中環」、「唔明點解工廈都咁貴」、「以為舊區都唔會太貴，點知餐餐都差唔多成嚿水」、「工廈啲嘢賣得仲貴過地舖」、「工廠唔係應該平啲咩？點解都要成日100蚊咁貴」、「上次同老婆行一轉，睇完啲餐牌咁嘅價錢我去隔離鱷魚恤打邊爐好過啦！」、「駱駝漆好平咩！食個麵都6、70」、「餐廳全部又貴又難食又細份」、「嗰度食嘢唔平，唔係就腳根本唔會去」，似乎工廈食肆的平價神話早已破滅，價錢甚至比地舖更貴。
網民怒數駱駝漆大廈食肆3宗罪 2.環境焗且衛生差
市民平時出入駱駝漆大廈，多依賴大堂兩架電梯，每每到午膳時間，便可看到長長人龍堆在大堂外。等𨋢往往需花費大量午膳時間，不少網民對此深感不便，指「淨係地下排隊等Lift都有排等！」，加上大廈內的走廊沒有空調，所以有不少網民指「上到去啲走廊焗到XX」。更有網民指「未入去駱駝漆地下個環境已經唔掂！又臭」，故對於駱駝漆大廈能如此旺場表示不能認同，認為「完全唔明點解成日咁多人排隊上去食！塞住晒條路」；亦有網民分享個別餐廳衛生麻麻，指自己曾試吃某麵店，竟發現蟑螂。又有另一網民分享，指自己需要對著垃圾桶吃刺身飯，經歷令人反胃。
網民怒數駱駝漆大廈食肆3宗罪 3.過份吹捧
有網民對於駱駝漆大廈食肆的質素不同苟同，認為由於不少Foodie（吃貨）及傳媒吹捧下， 令大眾對於餐廳的質素期望過高，有人認為「觀塘工廠大廈好食係吹出嚟，根本又貴又垃圾」、「所有嘢都係未出名前先好食，出咗名，就會變得難食」。其中，雖有網民指出駱駝漆大廈有數間食肆出品用心，值得幫襯，如鰹烏冬等算是遺珠，然而意見卻引來一些網民。如有網民對於鰹烏冬的食物質素有所保留，指出「急凍烏冬完勝！上次食月見烏冬，水都未隔好，搞到啲味淡晒」、「食過，完全吹大咗」。
網民熱議觀塘上班族下一個開飯熱點！
與此同時，也有網民更開始討論，若然駱駝漆大廈食肆若然真的「一鋪清袋」，觀塘哪裏會成為打工仔們下一個開餐熱點，有網民就指相信人流會轉往apm、東廣場等商場內的食店，也有網友提議「食觀塘啲熟食市場」，指該處的小店提供的美食價廉物美，亦有網友支持連鎖茶記「紅茶冰室」，亦有想怕人多，想儲錢的網友提議索性「帶飯，不消費主義」。
資料來源：連登討論區
