唱K風潮已過？網民憂Neway「做唔住」 頻出免費優惠救市 全盛時期近40分店執剩8間 網友共鳴：XXX係死罪
發佈時間：16:15 2025-03-17 HKT
唱K風潮已過？卡啦OK曾風靡全港，高峰期更有10大集團同時競爭，不過隨著時代演變，「K房」市場已不再輝煌，連以往一大龍頭Neway由全盛時期近40分店，直至現時執剩8間，有網民日前發文指Neway頻頻出唱K優惠救市，憂會「做唔住」，難逃結業命運，引起不少網友共鳴，更有人點出一大原因導致失去不少客源。
延伸閱讀：蘭桂坊「魅KTV」開幕！內地唱K連鎖品牌攻港 豪華裝修+AI修音+虛擬MV製作 全國近700分店
網民憂Neway「做唔住」！頻頻出唱K優惠救市 全盛時期近40分店執剩8間
最近有網民於Threads發文，指發現Neway頻頻出唱K優惠，由早前推出的逢星期三、星期日半價優惠，近期再加碼推生日月份免費唱K吸客救市，無奈表示「而家無人唱K？」，更對Neway未來發展感到擔憂：「得返唔夠十間分店，可能幾年就全線結業。」
他又補充，另一連鎖K房集團Red MR同樣有推優惠，相比起Neway，雖然優惠不算吸引，不過勝在環境及食物味道更好，而且比較多新歌和外語歌吸引年輕客源，指「希望剩返三間捱到。」
網友有共鳴：唔齊歌係死罪！
對於樓主的擔憂，不少網友表示有共鳴，認為現時想唱K有其他選擇：「依（而）家個個屋企自己都有得唱。」、「一枝唱K神器搞掂」、「依（而）家去party room唱」亦有人指出即使內地唱K連鎖品牌「魅KTV」沒有攻港，香港K房都是「等執」：「Neway冇晒錢咁樣，機又舊，新歌又冇，再加埋而家大陸KTV落埋嚟，佢收皮機會都幾大。」
有網友則直指「唔齊歌係死罪」，指這一大原因導致Neway失去不少客源：「半個月前先去過，淨係啲歌唔齊都冇意欲再去」、「做咁多優惠係好事，但係新歌唔齊呢」、「華納成班近幾年都最hit，竟然唔齊……」、「做幾多優惠都好，冇MC（張天賦）嘅歌我免費都唔去！」、「版權問題，得返英皇（嘅歌），寰亞Sony都無」、「想唱邊首無邊首，點去？」
翻查資料，Neway於1993年開設首間分店，全盛時期於全港有近40分店，目前只剩下8間分店，包括灣仔、尖東、旺角、九龍城、觀塘、荃灣、沙田以及元朗，現今在澳門、內地和馬來西亞亦有業務。
來源：Threads
延伸閱讀：Neway生日免費唱K優惠！壽星生日月內無限次任唱 2人同行1人免費 需提前預約（附分店地址）
