【Juicy叮】港男開貨Van到酒店食自助餐職員：以後唔好揸嚟

更新時間：17:47 2020-10-24 HKT
發佈時間：16:17 2020-10-24 HKT

疫情下掀起staycation熱潮，酒店為吸客都紛紛推出各式優惠。有網民就表示，當日駕駛一架貨Van到尖沙咀一間人氣酒店食自助餐，請酒店職員幫忙泊車期間，被職員指罵「唔好再揸貨Van嚟，我哋酒店唔泊貨van嘅！」令網民非常憤怒，覺得因開貨Van被「睇唔起」。

有連登網民以在討論區發帖指，和父母訂了座到一間酒店食自助晚餐。他駕駛貨Van到酒店後，讓兩老先下車，然後向酒店職員表示希望幫手泊車。不過職員就對他說，「唔好再揸貨Van嚟，我哋酒店唔泊貨van嘅」，網民當下目瞪口呆，「心諗我做錯咩？我都係黎消費食自助餐，唔通我唔係揸泊係門口果部法拉利就要比你咁樣睇小？」

網民又聽到該名職員對同事說，將貨Van泊到一邊，不要讓人見到，令網民非常憤怒，「我自問揸部係歐洲van，個樣又唔差，我得罪咗你間酒店啊？」事後網民向酒店投訴，雖然這餐飯是為了幫爸爸慶祝生日，但氣氛全毀。事後酒店經理送了蛋糕希望平息事件，網民指想要的不是蛋糕，而是該名職員的親口道歉，「而個經理就急急腳叫個支援提早收工就諗住結束件事，事後個經理仲好誇張咁作咗個大話，話果個泊車職員個老婆啱啱係醫院生咗個BB要瞓氧氣箱......究竟呢一間酒店公關發生咗咩事？」

對於事主所發生的事件，不少網民都感同身受，有人指出這些酒店職員大多數都「狗眼看人低」，亦有網民分析指出，其實這類泊車職員很大機會是兼職員工，所以他們的質素都會比較參差，不過也有人認為職員未必針對樓主，又指不能泊輕型貨車是酒店業約定俗成的規定。