Juicy叮｜港女去男友家過夜被母親鬧爆「送上門唔知醜」

更新時間：17:25 2022-11-28
發佈時間：17:25 2022-11-28

為人父母，對於女兒外出過夜難免會感到擔心。有港女在網上發文指，其母親不喜歡她的男朋友，自己日前到男友家過夜，在回家後被母親指責「女仔之家送上門，唔知醜」。

該名港女早前在Dcard討論區以「阿媽話我女仔之家送上門」為題發文，指母親並不喜歡她的男朋友，認為女兒每次與男友去staycation亦一定會發生性行為。她指，日前到男友家中過夜，並指自己未有提及相關事情，相信是母親自行猜測，並指在回家後被母親指責「女仔之家送上門，唔知醜」，「仲叫我走，當冇咗個女算」，令她感到無奈，並詢問其他網民「究竟可以點搞？」

相關帖文隨即引起熱議，有網民指「以後講同女仔出去，唔洗咁誠實」、「難聽過粗口，外人講都唔得啦，更何況自己老母」、「我覺得你又冇做錯，對得住自己就得啦」、「阿媽會覺得點解有自己屋企唔番，要去人哋度瞓，去人哋度坐下唔緊要，成日上去過夜就唔好啦，一陣搞大咗個肚番嚟又係要執屎」等，有人則關注「咁佢點解會唔鍾意你男朋友？佢本身唔鍾意呢個人，你同佢做咩都唔會滿意」。

另有網民則對相關情況感同身受，並指「以為係我開po，我連過夜都冇試過，淨係上佢屋企坐一陣都咁話我唔檢點」、「我老豆頭先先話完我係雞嚟，去男朋友屋企過夜，免費送上門」、「屋企人都係咁，中學畀佢哋見到我同普通男同學食飯就話我係雞，同佢哋關係好差，同男朋友拍咗六年拖冇打算同佢哋講，成日覺得自己會偷偷地結婚跟男朋友移民都唔會同佢哋講」等。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg