停車場飄浮神秘「長髮女」嚇壞網民 定神細看原來係......｜Juicy叮
發佈時間：15:11 2023-03-13
停車場盡頭人跡罕至，一處陰森角落不知從何處吹來陣陣涼風，投著斑駁黑影的牆邊，一團神秘黑白色物體似張手在半空飄浮，黑髮披面，縷縷髮絲像隨風飄動。嚇出一身冷汗的網民大著膽子定神細看......
哦，原來是車頭掛上白布、疑似尾箱打開，涼著破洞白毛巾的電單車。樓主以「真係畀你嚇死……」為題上載兩幀「靈異」相片，回應的網民異口同聲指「轉角望一下真係會嚇親」、「遠睇嚇死」、「個心離一離」、「第一眼睇真係幾似」。
相片勾起網民對日本恐怖片風潮始祖《午夜凶鈴》內，長髮女鬼「貞子」爬出電視的可怕憶記。有網民更加抵死地放上一張女鬼相片，並配上對白「做咩望住我」、「 俾返條命我……」令氣氛更恐怖。
電單車似女鬼實況及網民回應：
但有網民連隨提醒「唔好自己嚇自己」，有人則指，還好「燈光夠猛，再暗暗哋，真係嚇死」；另有網民則嫌「女鬼」「有啲矮」。
說著有網友岔開話題，指「葵芳某個停車場據云好猛，有冇師兄知道分享下？」，雖然有人問「邊個呀？」，但在未及有答案前，已被正氣的網民指「第一，D人要迷信先會見到嘢，第二，人陽氣殺氣夠，好似我，細個半夜系亂葬崗玩都唔會見」、「我唔信，亦未見過，最恐怖嘅係人」。
帖文來源：車cam L（香港群組）
同場加映：
鬥早掃墓？ 周日打蛇餅等車入曾咀 提早幾星期拜山網民知點解......
4月5日是清明節，不少市民提早於周日（12日）掃墓。有市民拍攝到在屯門V City車站，孝子賢孫打蛇餅等車前往曾咀靈灰安置所拜祭先人的盛況；在港島柴灣哥連臣角一帶也出現塞車情況。
屯門方面，樓主以「V City好長嘅龍去曾咀！」、「V City人頭湧湧，巴士站打哂蛇餅，去拜山」為題上載相片。有網民不知就裏，問「今日係乜嘢日子呢？咁多人拜山？」，回應的網友熟知行情，指「就嚟清明，上星期已經開始多人」、「有好多人會趕喺3月21日前去拜新山㗎！」、「拜新山呀，3月24號前嘅星期六日都多人」；另有人估計是「4月要去旅行，提早拜咗先囉」。
翻查網上資料，根據「新山不過社，社期前拜山」的習俗，去年清明節後所做的山墳，拜祭先人的日子要提前到「春社」之前。而「春社」一般在清明節前的十幾天，2023年的春社日就在新曆3月21日。
去曾咀排長龍實況及網民回應：
有網民分享自己經驗，指「我星期五（10日）少奶奶時間去，去程差D無位坐，回程已經企頂閘位」。有人感嘆，「有排都未到清明，而家玩鬥早咁」。
另有人報料指港島情況相若，柴灣網民周日下午形容區內「提早清明」，不少市民提早到哥連臣角掃墓，「冇咩事咪坐車，揸車去柴灣！成個柴灣塞死哂（龍尾過晒漁灣邨）」；另有人指，「咩上星期，之前做uber，3月1去柴灣上山條路已經要封路」。
網民呻曾咀路遠
說回曾咀，網民大都呻路遠，指「嗰度啲交通認真唔方便。車位好少，朋友試過預約都好煩，好爆」、「春秋二祭期間直頭唔畀揸車入去，要搭巴士或者的士（我諗冇人會行入去？）」、「入過去一次。勁唔方便，行入去會攰死的，扶老攜幼都唔知點算」、「坐巴士都半個鐘」。
有心水清的人則表示，「班次疏梗係長龍啦」、「冇計，喺啲交通方便嘅地方起陰宅，通常都畀人反對，唯有焗住喺啲偏僻地方搞」。而除了搭車打蛇餅，有網友還提醒，「曾咀有好長嘅龍去化寶，龍尾一樓東翼門口」。
帖文來源：真.屯門友、筲箕灣西灣河關注組
同場加映：
勁嬲女兒做「殯儀館守夜」 媽媽一聽日薪「咁多」即變樣
網絡熱傳一段母女通話錄音，女兒初踏職場，告訴媽媽找到工作了，媽媽急忙問找到什麼工作，女兒答是「殯儀館守夜」，媽媽即時嬲爆，但忽地一想：薪金多少？女兒一答，媽媽即轉嬲為喜。
究竟女兒點講？｜附殯儀館「員工9大守則」↓↓↓↓
----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
