港男自助餐「炫富」肉酸拎到盡 一次攞走3分1忌廉蛋糕 酒店即刻咁變陣 網民：怕咗你｜Juicy叮
發佈時間：07:07 2023-07-04
有港男在網上出Po炫耀自助餐「拎到盡」的戰績，惹來網民熱議。該港男將原個忌廉蛋糕，一次過攞走3分1，有網民嘲諷他「攞嗰下已經肉酸，post上嚟更加肉酸」。
自助餐「拎到盡」晒戰績 酒店即刻咁變陣｜點擊即睇↓↓↓↓
該港男最近在FB群組「香港茶餐廳及美食關注組」中發帖表示，他在尖沙咀一間酒店享用其食沙律吧半自助餐，價格為每位143元。
他表示：「差唔多過零禮拜就嚟一次。」在帖文中樓主附有多張相片，晒當日「拎到盡」回本戰況，見到枱上有大半個鮮忌廉蛋糕，非常觸目。
一次攞了$110
真的回本了嗎？樓主自有計算，他指出：「出面個鮮忌廉蛋糕，酒店出面小酒吧位，賣成兩舊幾水一個，我起碼攞咗佢三分一。」
「酒店級數，嗰三份一嚿蛋糕我諗都直（值）$70蚊。」「杯咖啡買40蚊。」
換言之，樓主將原個鮮忌廉蛋糕一次過攞走三分一($70)，再加上一杯咖啡($40)，只是這兩樣，樓主估計基本上已值110元。
從相片中看到樓主同時有取其他多款食物，最後埋單「落樓價$143蚊」，「所以覺得喺度食沙律吧半自助餐係好抵食。」
樓主：原個蛋糕已經冇咗啦
樓主其後再發相現場直擊原個忌廉蛋糕被秒殺後的補充情況：「我可以現場即時報告畀你聽，已經冇咗啦，轉咗第二啲小蛋糕，好彩頭先攞咗三分一個鮮忌廉。」
樓主拍攝的相片看到原個鮮忌廉蛋糕，已變成一件件細小蛋糕仔，「而家變咗咁，個一磅蛋糕冇咗。」
自助餐「回本食法」全攻略｜點擊即睇↓↓↓↓
網民：自私當有趣
自助餐「炫富」帖文一出，即時引發網民熱議，部分網民直斥樓主自私和肉酸：「自私咗。」「正所謂只要你唔尷尬，尷尬嘅就係人哋。」「攞嗰下已經肉酸，post上嚟更加肉酸」
「仲以為自己好醒至犀利。」「你呢啲人，自私當有趣。」「餓狗搶屎都係一種食法」「好心啦，分開幾次攞唔得咩？」「人出豉油你出命，三份一個蛋糕脂肪爆錶。」
據港男現場直擊，原個忌廉蛋糕其後沒有再出現，引來不少網民笑指：「酒店怕咗你。」「蝕本呀。」「嗱嗱聲收起先。」
樓主：唔搏老命咁食不如食套餐
面對部分網民批評，樓主作出回應：「有人批評我攞咁多蛋糕其他人冇得食，我想問有陣時自助餐一開始條蒸魚已經攞曬，咁我係咪要怪攞蒸魚嘅人？ 食自助餐唔搏老命咁食，咁不如食套餐算喇。」
樓主又不認為攞太多「肉酸」：「有乜話難睇？如果大家都排緊隊攞嘅，就真係好肉酸，更加唔好一個人攞曬，但係我攞緊嗰陣時，周圍都冇人。」
網民：食得晒係冇問題
部分網民亦撐樓主攞走三分一個蛋糕：「我都唔明啲人話你咩，又唔係拎十X幾碟，鍾意食蛋糕拎多啲都比人插......食得哂都要比人插，浪費食物嗰班咪要跳樓？」
「我覺得食得晒係冇問題，一次過攞幾件。」
「有畀錢食多啲無問題喎！如果限量又唔想人一次拎咁多，就叫人排隊每次比一細份。拎咗記得食晒咪得囉～」
相關熱話：
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
