公屋首派即中「樓王」竟放棄！「炫富」自稱嫌太近地鐵 網踢爆疑似內情係...｜Juicy叮
發佈時間：05:51 2023-07-27
有網民在社交平台發帖表示，首派已獲派「公屋樓王」牛頭角下邨一個45樓高層的單位，但他竟嫌太近地鐵和貴租，決定放棄，「炫富」帖文一出惹嘩然，有細心網民踢爆事件的疑似內情。
首派放棄「公屋樓王」 網民估「嫌樓腥」事主真正原因是...↓↓↓↓
該位「嫌樓腥」事主近日在社交平台發帖，指「一派牛頭角下邨45樓，太近地鐵，太嘈，又貴租，等二派」。
樓主同時附上一張相信在牛頭角下邨高層單位下望的相片，相中看到單位「對正」九龍灣港鐵站路軌，看似單位與港鐵相距咫尺之間。
放棄公屋金多寶？
帖文一出引發熱議，有網民對於樓主放棄公屋樓王非常驚訝，認為是「奇聞」，完全不可思議。
「牛頭角下邨係公屋王第一位。配套好又近地鐵，點解唔要呢？」「大把人搶住要。」「呢度超方便，行去九龍灣就係，行去淘大又方便，簡直豪宅。」
「放棄公屋金多寶？45/F市區近地鐵私樓800萬都買唔到。如果牛下都唔要，睇怕你全市區公屋都睇唔上。」
嫌近地鐵太嘈 網民：樓主聽覺異於常人？
樓主指因為太近地鐵太嘈，有網民感到原因奇怪：「唔係有隔音窗㗎咩？」「依家公屋有隔音窗一啲都唔嘈呀。」「45樓都話嘈，咁1-44樓嗰啲唔使住啦。」「自己買樓都唔會十全十美。」
有網民幽默地指：「既然天生聽覺異於常人，不如試下去賭場練聽骰，可能有一番作為。」
嫌貴租 網民：住劏房平？
對於樓主認為放棄的第二個原因是「租金貴」，網民亦感難以理解：「嫌貴喎，住劏房平。」「佢想住順利/順天/順安/彩雲，4O幾年樓，平租啲。」
有網民繼續發揮幽默本色：「公屋都話貴租？唔好響香港住啦！」「瞓街平，買張席，舖報紙就得。」
不少網民感謝樓主放棄：「大家又多一個機會，緊係要講聲多謝先啦！」「大家快啲講多謝啦。」
不過，有細心的網民從帖文看出端倪，認為事件不尋常，質疑樓主有所隱瞞，他們認為樓主所謂放棄首派，其實另有內情，估計真相並非如樓主所言，而在面對不少網民質疑，樓主出帖始終未有再作回應，令事件真相更添撲朔迷離。【細心網民估計事件最有可能的真相，請瀏覽以上圖輯部分↑↑↑↑】
同場加映：公屋二派青衣長青邨 機場工友嫌三嫌四唔住 網民嘩然：咁正都唔要？↓↓↓↓
一名2015年4月13日登記上樓，於機場返夜班的市民，今年7月初獲「二派」青衣長青邨青柏樓高層單位，睇樓時拍下在後樓梯影的海景和屋內開揚景觀，並在網上揚言睇樓後已拒絕入住，期待「硬食」最後一派（「三派」）。
回應的大部分網民均替樓主的決定感到可惜，指「人心不足蛇吞象」，提醒「工可以轉」，並大讚單位「可以睇到煙花」，地段屬「超級好盤，岀港島半個鐘，岀旺角半個鐘」。
二派長青邨青柏樓單位逐格睇 ＋ 網民踴躍回應↓↓↓↓
詳情瀏覽：公屋二派青衣長青邨 機場工友嫌三嫌四唔住 網民嘩然：咁正都唔要？
相關熱話：
港女輪候公屋13年獲派彩園邨凶宅稱感恩 網民 : 做人豁達啲好
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
