莊思敏拎200萬現金周街走棄用10萬名牌袋一防盜方式令網民乍舌

更新時間：15:43 2023-08-02 HKT
發佈時間：15:43 2023-08-02 HKT

現年43歲馬來西亞拿督千金莊思敏，家境富裕，衣食無憂，而且在娛樂圈打滾多年，又有有投資生意，賺到不少，生活令人羨慕。近日莊思敏竟然大膽地袋住七位數現金行街，而且是放在環保袋內掛在手臂上，震驚不少網民。

【點擊睇莊思敏拎七位數出街】：

莊思敏日前到澳門的星級酒店玩，換上多套泳衣在池邊打卡，分享愉快旅程。她又拍片分享投資心得，指自己定期存款到期，認為擺在銀行做定期收息，因利息不高決定提取出來。只不過莊思敏沒有將現金放當日帶出街、要價近十萬的Hermès Roulis手袋，而是將200萬元現金放到一個黃色的環保袋中，而袋口沒有拉鍊或鈕扣，望落好危險，但莊思敏在片中表現氣定神閒，過馬路時環保袋只掛在其手臂上，完全不擔心會被有心人搶袋，令人乍舌。

事件引起網民熱議笑謂：「窮X真係見識少，原來咁樣幾棟就已經2球嘢。」、「2球都要拎cash，好意思教人投資」、「愈危險嘅地方愈安全、邊個估到2球嘢咁求其放環保袋。」、「除咗show off，我諗唔到點解要拎200萬cash出嚟，明明大把方法轉走。」