葵涌廣場小食店轟同場螺螄粉「惡臭」趕客！週日零人流變死場食客無奈呻：食開嘅都俾佢逼走晒！

更新時間：18:22 2024-08-12
發佈時間：18:22 2024-08-12

葵涌廣場向來有「掃街天堂」之稱，雲集各式各樣的餐廳及小食店，每逢假日更是擠得水洩不通。不過，最近有葵涌廣場小食店投訴，暑假期間商場人流明顯變多，惟位於商場3樓的「Top世界」卻是來客稀少、門庭冷清，幾乎變成「死場」，直指「罪魁禍首」是同層一間螺螄粉店傳出的濃烈氣味，以往亦曾有網民怒轟葵廣螺螄粉店「臭味」難頂，不少食客及網民均表示聞到要「急急腳走」，雖然有指該店將於9月搬走，惟店主仍擔心一個問題？

葵涌廣場小食店轟同場螺螄粉趕客！傳9月將遷出惟仍擔心1問題……

葵涌廣場3樓「Top世界」內有多間食肆及服裝店，日前其中一間小食店店主在社交平台Threads發文，投訴同層一間螺螄粉店至兩年前遷入後一直傳出濃烈氣味，直言「依道氣忍左（咗）2年」，有不少客人為了避開氣味而拒絕前往「Top世界」，直接導致人流減少、生意變差。據店主上傳的照片可見，星期日的葵涌廣場人流頗多，惟「Top世界」內人流稀少，相當冷清。店主無奈表示雖然未必有人相信，但根據最近一年多的營業數據顯示，「每個星期7日生意額最差嘅日子就係星期日」，形容目前「條巷完全係靠緊熟客嘅loyalty去支撐」。

雖然曾有想過搬至葵涌廣場2樓，不過基於一些「根本原因」，店主決定繼續留在原位。然而，該螺螄粉店對同層商戶帶來的影響確實難以忽視，而且業主及商場方面均未有方法幫助租戶，店主唯有嘗試在網上求助「自己救自己」，否則在螺螄粉店遷出前，「依條巷d舖頭都自己係咁先啦。」有消息指，該螺螄粉店將會在9月底遷出，不過店主仍然擔心一個問題，點擊圖輯看更多詳情。

食客無奈呻：食開嘅都俾佢逼走晒！

不少網民看過帖文後表示同情小食店的遭遇，又稱該螺螄粉店傳出的氣味令人難以忍受，「次次入到去都想嘔」、「真係好臭，入唔到去」、「就係頂唔順佢浸味好耐無行葵廣」、「真心條巷開左螺絲粉之後我冇再入過黎，聞到陣臭味已經想嘔，即刻急急腳走」；有網民建議向食環署投訴，不過店主回覆指成效不大，無法以解決問題。有網民則表示「Top世界」內堅持至今的店舖都是「人生鬥士」，「真係好X臭呀，……佢對面賣車輪餅嗰檔，仲有布丁燒、XX食堂、賣衫，竟然頂得順已經係人生鬥士」、「好彩你啲炒飯香都可以冚咗啲螺絲（螄）粉味」、「上次我哋葵廣都特登入嚟搵你哋幫襯，加油撐住！」

店主後來感謝一眾網民留言支持：「辛苦大家，我都知真係好X臭，所以大家先唔入黎，完全明白。所以喺度我約定大家，當螺絲粉正式收皮，喺top世界壽終正寢果刻，如果d臭味真係大奇跡日（對我黎講直頭係D-day...）可以散晒的話，到時憑依個post同我一齊熱烈地彈熱烈地唱，我會撩多幾間舖送少少野食同大家慶祝」