港男離奇被困將軍澳琴行 職員收鋪關燈鎖門無反應 網民質疑「有古怪」：熄燈無可能唔知
更新時間：17:50 2024-08-14
發佈時間：17:50 2024-08-14
發佈時間：17:50 2024-08-14
字體大小
將軍澳某琴行發生顧客離奇被困事件！近日，有網民在社交平台上發佈照片，指有顧客被困在將軍澳已打烊的琴行，要靠商場保安聯絡琴行職員開門。照片引起網友熱議，有網民質疑被困顧客「有古怪」，「職員收舖關燈，個客無理由見不到聽不到呀？」、「熄燈無可能唔知」。
顧客被困將軍澳打烊琴行 關燈鎖門無反應
近日，有網民在Facebook群組「將軍澳主場」發佈照片，指有顧客被困將軍澳已打烊的琴行，疑琴行職員不知道店內仍有顧客便下班鎖門。照片中可見，琴行内已全部關燈，店外有一條黃色膠鏈鎖上大門。樓主表示，「聽到保安姐姐幫佢打左電話比負責人」，在15分鐘後該顧客終脫困。
事件引起熱議 網民質疑被困「有古怪」
照片引起網民熱議，有網友爆笑留言，「扮暈call消防爆玻璃」、「鎖門嗰個炒得」、「非法禁錮」、「真係收工大過天」、「我以為電視情節先會發生」。
但有網民質疑被困男子「有古怪」，「熄燈無可能唔知，由熄燈去到鎖門都唔出聲就有可疑」、「唔合理，一關燈，除非瞓覺，如果唔係一定大聲嗌有人」、「條友有古怪，職員收鋪關燈關門，個客無理由見不到聽不到？」、「其實，有冇可能，佢諗住匿埋，人哋收舖後爆格，點知乜都搵唔到，又走唔到所以扮畀人困住？」
不過亦有網民解釋，「琴行有機會係隔音房練緊琴，唔知出面熄左燈，好心唔好未審先判」、「似係租琴房練琴或結他」、「如果佢喺琴房，未必知職員熄燈鎖門，熄燈唔係熄電既大掣，琴房燈如果開著，職員關電掣唔會熄埋」。
同場加映：商場育嬰室浸海參！老牌海味店強霸 換片港媽反遭辱罵 網民震怒：好唔衛生
