唯一港產手做馬仔疑停產？網傳順香園餅家中秋後結業 40年老字號手工蜜糖馬仔/南乳燒餅/長蛋筒/西樵大餅

唯一港產手做馬仔停產？網傳順香園餅家將結業網民嘆40年老字號味道消失手工蜜糖馬仔/南乳燒餅/長蛋筒

生活百科

更新時間：18:04 2024-09-02
發佈時間：18:04 2024-09-02

近年來，傳統中式餅店在香港買少見少，不少老店都因經營困難、後繼無人等原因而相繼結業。近日網上流傳指，40年老字號順香園餅家也將在中秋節後結業，如果消息屬實，唯一香港手做馬仔也將成絕響，令一眾網民大感婉惜。

網傳順香園餅家即將結業以中式傳統糕點聞名

有網民在Facebook群組「Go Go Shatin」中發文，表示火炭順香園餅家將在中秋後結業。樓主表示，「火炭順香園做埋今個中秋，之後結業」。如果消息屬實，又一家傳統餅店將成絕響。

順香園餅家有40年歷史，在火炭有自己的糕點製作工場，確保百分百人手新鮮製造，不含任何防腐劑。當中最為聞名的，便是唯一港產手做蜜糖馬仔，由預備麵糰、切粒、下鍋油炸、製作糖漿並拌上，再到入模定型，都是由一位師傅獨立完成。有別於坊間的軟綿口感，順香園的現做馬仔特別新鮮鬆脆，同時充滿蛋香、蜜甜牽絲。除了馳名馬仔外，順香園的其他傳統糕點也值得一試，包括南乳燒餅、長蛋筒、西樵大餅、嚤囉酥等等，相信新鮮出爐定會更加美味！

網民婉惜：又一舊味道說再見

對於順香園餅家疑似即將結業的消息，一眾網民大感婉惜。有網友留言表示不捨，「又一舊味道說再見」、「我最愛馬仔，無得食」、「好可惜，喜歡食佢啲馬仔同嚤囉酥」、「可惜」、「佢哋真係MIHK（香港製造），仲分銷於香港唔同士多、辦館，由細食到大，兒時家母喺火炭放工就會買啲返屋企畀我哋食，到我大咗咁啱都喺附近做嘢就自己踩上去買」、「由細食到大」。

也有網民分析結業原因，「之前有YouTuber訪問佢（負責人），佢都有講過，可能唔做，太少生意」、「啲師傅有啲年紀，要退休啦」、「作為手藝人最緊要做出嚟嘅嘢有人欣賞，如果工場出嚟嘅嘢係供不應求，我相信啲師傅除非郁唔到，如果唔係都會堅持做落去。可惜嘅係手藝人最怕自己做嘅嘢無人欣賞，仲要比人當垃圾倒晒，咁樣就好似每一日都否定自己存在」。