$200食焗豬扒飯中伏食客批「極難食」力數5宗罪店員主動免單事主反被指「呃飲呃食」？

港女食$200焗豬扒飯批「極難食」力數5宗罪！事後獲店方主動免單反遭網民指責「呃飲呃食」？

更新時間：15:40 2024-09-06
發佈時間：15:40 2024-09-06

近年不少餐廳的食物質素備受批評，經常可以看見網民分享用餐「中伏」經歷。近日，有網民在社交平台上發文，稱早前在尖沙咀一間餐廳叫了價值$200的焗豬扒飯，惟味道強差人意，更力數5宗罪，直言「難食到一個點」！事後這位食客獲店方免單，事件引起網民熱烈討論……

港女食$200焗豬扒飯批「極難食」力數5宗罪

近日，有網民在Facebook群組「香港茶餐廳及美食關注組」中發文，指自己到尖沙咀一間餐廳叫了價值$200的焗豬扒飯，可是味道未如預期，讓事主狠批「難食到一個點，基本上係未食過咁難食嘅焗豬扒飯」，更力數5宗罪。後來，事主稱餐廳主動將豬扒飯免單，惟此事引起一眾網民熱議及批評，事主亦有就此再作回應，無奈表示：「係想去食好味嘅嘢，唔係去食難食嘅嘢，再想人哋free俾我」，點擊上文圖輯查看詳情！

事後獲免單惹網民熱議：唔好嫌三嫌四

帖子引起網民熱議，不少網民因免單一事批評事主，「店方咁做好明顯係你當時嘅態度勁差，怕鬼咗你喺度嘈嘈閉，才free（免費）咗個豬扒飯塞住你把口啦！」、「出街食過咁多次飯，都未試過有一次表示難食嘅時候，啲動靜大到令店方知道和可以有經理會free俾我！」、「做人低調啲好，揀得個地方食飯就唔好嫌三嫌四，人地都free咗比你，仲要上FB話人」、「人地free咗俾你仲要po上網，你呢啲咪『奧客』囉」。

另一方面，有網民則表示支持事主，「豬扒有筋，我明，好難頂……」、「所以永遠只食大快活/大家樂焗豬……因為就算唔多好食，起碼唔會怨」、「就咁睇呢個豬扒飯麻麻哋喎！」、「呢啲港女餐廳，係要嚟打卡影相，唔係嚟俾你食」、「大乜樂好食過佢多多聲……」。