港女街市買餸驚揭青蔥「甩色」！用紙巾一抹現藍綠色網民反指非新鮮事：已經無食蔥好耐

港女街市買餸驚見「甩色蔥」！紙巾一抹變藍綠色網民反指非新鮮事：已經無食蔥好耐

更新時間：17:33 2024-10-08
發佈時間：17:33 2024-10-08

青蔥是不少家庭烹煮菜式的必備材料，不過近日卻有網民在社交平台上發文，指自己在街市買餸時買到「甩色蔥」，用紙巾一抹更會出現藍綠色，直言「而家真係唔敢食蔥」！帖子隨即引起網民熱議，有網民驚訝表示「咁恐怖」，惟有網民指出這並非新鮮事，「已經無食蔥好耐，買同送嘅蔥都會甩色」、「其實差不多所有蔥都染咗藍色」。

港女街市買餸驚見「甩色蔥」紙巾一抹變藍綠色？

近日，有網民在Facebook群組「將軍澳主場」中發文，指自己在街市買餸時意外買到「甩色蔥」。事主表示，買青蔥是為了煮薑蓉，之後發現薑塊變成綠色，才知道原來是青蔥甩色，「我煮薑蓉見啲薑變咗綠色，先知啲蔥會甩色」，讓她直言擔心進食後「會生Cancer（癌症）」。事實上，3年前內地貴州街市亦曾出現類似情況，即點擊上文圖輯查看詳情！

網民反指非新鮮事：買同送嘅蔥都會甩色

帖子引起網民熱議，有網民留言表示「恐怖」，「我以為話有好多蟲，一直好努力睇到底啲蟲喺邊，原來係條蔥有色，仲驚過有蟲」。另一方面，有大量網民留言表示曾遇過相似情況，「已經無食蔥好耐，買同送嘅蔥都會甩色」、「我一直以為甩色係正常，咁多年咁樣抹都會有少少色印落廚房紙」、「原來係啲蔥甩色，我早排諗住炸蔥油，但炸完啲油變咗藍色，我仲以為係我用咗牛油果油嘅問題，最終都唔敢食倒咗」、「蔥有藍色我發現好耐，用梳打粉唔甩，要用洗潔精洗先甩」、「我買過好多次，洗完啲水係藍綠色...喺街市同超市買都係」。

圖片及資料來源：Facebook@將軍澳主場、Facebook@農業部

文：Y