街市買餸識英文「平啲」？雞翼中英價錢差足$8/磅 港媽質疑存心欺騙 店員1回應惹不滿……
發佈時間：16:11 2024-10-18
識英文有著數？街市凍肉舖雞翼價錢中、英文差$8！早前有港媽在將軍澳街市，發現其中一間凍肉舖的雞翼價錢出錯，中文價錢列明每磅雞翼價錢為$21，而英文價錢則為每磅$13，兩者之間相差$8，善意提醒店員後卻反被無禮回應，質疑店方有心欺騙消費者，
眼利港媽見凍肉舖雞翼中英價錢差$8/磅 店員1句回應惹不滿
有港媽在Facebook群組「將軍澳主場」發文，稱早前在尚德街市發現一間凍肉店的雞翼中、英文價錢出錯，於是向店員查詢「雞翼幾多錢？」店員表示每磅雞翼$21，樓主於是再問「點解英文寫$13/lb（磅）？」，惟店員只叫他不用理會，只需「睇中文嗰度」。
港媽對此感到非常奇怪，不過當時亦沒多想，只是希望善意提醒店員，中、英文價錢不一樣或會引起誤會，「好似全（存）心取巧，意圖欺騙工人姐姐」，不過店員的回覆就令他相當無奈，點擊圖輯看完整經過！
網民籲：直接報海關！
帖文公開後，隨即引來不少街坊及網民討論。對於港媽認為店方有意圖欺騙工人姐姐，有網民反問：「點呃工人姐姐？睇英文係平咗喎」，樓主則回覆指，估計是「想吸引姐姐幫襯佢買，但其實係收緊佢哋$21/lb」；其他網民亦認為店方有誤導消費者的嫌疑，「會唔會係想呃僱主錢多？開單寫21蚊，實收姐姐13蚊磅」、「吸引姐姐買，磅完出嚟貴咗姐姐又唔好意思唔買，焗比錢」，認為此舉或違反商品說明條例，可以「直接報得海關啦」。
有網民則認為雞翼價錢便宜，「邊有13蚊一磅雞翼咁平呀」、「21蚊都係平雞翼，所以真係唔明間店攬（攪）乜。如果姐姐嘈起上嚟咪盞搞」，也有網民笑稱，「識英文嘅平啲，講中文嘅貴啲，店主睇人賣」、「讀多D（啲）書，識英文有著數」。
根據香港法例第362章《商品說明條例》，任何人在營商過程中，供應或要約供應、管有作售賣或任何商業用途或製造任何已應用原產地虛假商品說明的貨品，即屬犯罪。一經公訊程席定罪，最高可罰款$500,000及監禁五年；以及一經簡易程序定罪，最高可罰款$100,000及監禁兩年。
文：LW
同場加映：內地客西貢食海鮮+小菜埋單逾$2000！疑被收過千元加工費網上求教「是正常消費？」 網民分析1原因稱無問題
