港媽抱嬰坐巴士霸兩連座被批！被要求讓座卻「當聽唔到」網民反應兩極：自私VS體諒

更新時間：15:56 2024-10-30
發佈時間：15:56 2024-10-30

又有巴士讓座爭議！近日，有網民在社交平台上發文，批評有港媽在放工時間抱嬰兒乘搭巴士時用袋霸佔鄰座，更在別人要求讓座時假裝聽不到，直言該港媽行為十分「自私」。帖子引起網民熱議，惟網友們反應兩極，有人認為港媽行為不當，「自私，俾人坐㗎，唔係俾佢擺嘢」；亦有人認為要體諒港媽，「佢抱住個小朋友你想佢點攞住啲嘢？好無人情味」。

港媽用袋霸位被批自私要求讓座卻當聽唔到

近日，有網民在Facebook群組「青衣街坊吹水會」中發文，批評有港媽在放工時間抱嬰坐巴士霸佔兩連座。從樓主上傳的照片中可見，港媽手抱著小朋友坐在巴士下層靠窗的位置，並將一個白色膠袋及紅白間條環保袋放在旁邊的座位上，導致其他人不能坐下。

樓主發文表示，當有人要求該港媽讓座時，她竟「擰歪面」並假裝聽不到，「個姐姐講唔該，佢擰歪塊面當聽唔到」。樓主批評該港媽行為十分自私，「放工時間咁多人上車，啲人可以自私到咁」。

網民反應兩極：行為自私VS應該體諒

帖子引起網民熱議，網友們反應兩極，有網民認為港媽行為自私，「如果佢俾錢買2嗰位嘅飛，我話之佢打橫瞓喺度喇！但如果佢只係俾1嗰位嘅錢，咁佢憑咩霸2嗰位？」、「而家重點係個阿媽扮聾粒聲唔出，我相信如果當時個阿媽禮貌講聲唔好意思，好多人都會肯遷就」、「係麻煩少少，不過都唔可以咁自私，將自己嘅痛苦建立喺人哋身上」、「大聲同佢講聲唔該，照坐落去，櫈上嘅物品放地下」。

也有網民認為要體諒港媽，「佢抱住個小朋友你想佢點攞住啲嘢？好無人情味」、「咁人哋本身就2個人用2個位」、「大人大姐，人哋湊緊b，就咪搞人啦」、「其實佢真係無咁多隻手喎，如果係我都廢事夾硬要坐落去，呢個情況忍讓一下無妨」、「其實將心比心，佢都好想小朋友自己坐，你估個仔瞓咗要抱住唔攰㗎，仲要拎咁多嘢。體諒下啦...當你都有呢個年紀嘅小朋友就會明！」。

圖片及資料來源：Facebook@青衣街坊吹水會、Facebook@KMB 九巴專頁

文：Y