啟德千萬私樓外驚變晾衫勝地！周街曬被+底衫褲網民封「啟德城寨」︰feel到業主好唏噓

更新時間：17:28 2025-03-18 HKT
發佈時間：17:28 2025-03-18 HKT

在那些年的舊香港，在公屋屋邨的公園曬衫、曬棉被、曬臘肉或曬果皮等可謂是不足為奇，但來到2025年的今日，以及在屋邨管理扣分制下，這些「曬嘢」場面已經愈來化少見。但日前有網民在討論區發文，指在啟德一個千萬私樓屋苑外的迴旋處，竟驚變「晾衫勝地」！帖文引來一眾網民留言，有人質疑「馬路咁多塵，咁晾真係好咩？」，並紛紛替這私樓的業主感到不值，甚至封啟德為「啟德城寨」，即睇內文詳情！

啟德千萬私樓外出現周街晾衫情境網民熱議︰feel到業主好唏噓

有網民日前在討論區上以「啟德千萬私樓外出現周街晾衫情境」為題發文，指有人在啟德一個迴旋處上隨處晾衫。從事主上載的圖片所見，這迴旋處位於沐朗街，迴旋處上的多個指示路牌被當成「晾衫竹」來拉繩，繩上就掛滿了被單、大人細路的T恤上衣、長褲短褲等，甚至有用來晾底衫褲的多夾晾衣架，場面「非常墟冚」，尤如60、70年代香港舊公屋經常出現的場景般。

網民質疑衛生程度錯重點︰啟德真係個好神奇嘅地方

帖文一出引來大批網民衝去留言，有人驚訝這種周街晾衫的情景竟然會出現在2025年的香港，以及質疑其衛生程度︰「馬路咁多塵，咁晾真係好咩？」、「同曬被一樣，仲污撚糟過唔洗」、「會晾喺嗰度嘅人都明顯冇乜衞生常識，佢哋應該唔會介意，啲塵拍一拍咪冇囉，太陽殺菌」、「平時出過街嘅衫都要洗，點接受到喺馬路隔離晾衫」。

有網民亦笑言這是「公屋日常」及「小區情懷」、「見過仲有曬果皮同曬菜」、「咁都諗到呢個位曬衫」，更封啟德做「啟德城寨」，以及這裡做「太陽能乾衣機」。不過亦有網民「錯重點」，著眼啟德區內的住宅類別分布，皆因在迴旋處附近就有千萬豪宅天寰、公共屋邨德朗邨，以及過渡性房屋啟福屋，嘲諷「啟德真係個好神奇嘅地方，豪宅、居屋、公屋、徙置區、窮民堀，全部都係一街之隔」、「最陰公一定係簡約公屋後面嗰間獨立屋，feel到業主好唏噓」，以及「一個地區俾你睇晒全香港嘅面貌」是件不容易的事。

圖片及資料來源︰threads、房屋台@LIHKG討論區