中環「珍姐海鮮火鍋飯店」大爆港人訂位惡習！綁定信用卡都冇用？食客「放飛機」用1離譜拒付按金
發佈時間：15:34 2025-03-19 HKT
珍姐海鮮火鍋飯店被譽為「香港最難訂位」食店，早前曾「預告結業」，讓一眾熟客大感震驚，幸而得知老闆正另覓新舖位再開業，令結業疑雲一掃而空。飲食業生意難做人所共知，珍姐海鮮火鍋飯店老闆亦坦言非常討厭客人訂座後「放飛機」，最近更在社交平台分享食客「no show」的奇怪見聞。
中環爆紅火鍋店公開港人訂位惡習 訂座綁定信用卡都冇用？
香港飲食業處於寒冬，位於中環的珍姐海鮮火鍋飯店可說是逆市奇葩，以新鮮現宰本地騸牯牛邊爐及「平靚正」午市碟頭飯殺出血路，老闆於社交平台中亦透露「有段時間我哋booking爆得好誇張，每晚超過100枱wait list。」
正因為食店被譽為「香港最難訂位」，老闆深感「好對唔住舊客人」，而餐廳亦設有一套訂座機制，客人訂座時需要綁定信用卡，萬一客人無故缺席，店方會從客人信人卡收取費用，如24小時內取消將收取全數按金每人$500等，希望盡量減低客人「放飛機」的機率。
惟在訂座機制下，仍有不少食客以不同原因「放飛機」，原因更令老闆哭笑不得！其中有一位客人以綁定信用卡訂座後缺席，但該卡主就卻向信用卡中心表示：「呢張卡我畀咗我老婆用，無可能係佢訂枱，因為佢已經死左（咗）。」
網民得知這奇怪見聞似乎笑多過嬲，更留言表示「過咗身都咁識食，重要用靈力訂到枱」、「用孟婆湯底滾海鮮」。
老闆發文大呻生意難做 港人另有「飛機大法」
及後，老闆再發文分享，大呻生意難做，客人爽約「代表我嗰日，由朝早6點滾湯準備午市炒檔清潔再做晚市再飲到嘔既努力係完全白廢。」再大爆香港人還有另一招「飛機大法」！
另一招「飛機大法」就是使用扣賬卡（Debit Card），曾經有爽約的客人接到飯店來電，查問為何未能扣除因「放飛機」而需繳付的費用，客人直接回答：「緊（梗）係啦，我draw（轉）晒走啦啲錢，唔通俾你扣呀？」店方才驚覺，原來對方用的不是信用卡，而是扣賬卡。
有網民認為這位使用扣賬卡的客人是「有組織有預謀」，亦有同為飲食業的行家表示同情，「我餐廳都係會收客人deposit（訂金），好明你感受！一開頭都係會出現扣唔到數既debit card，到我地（哋）開始block（封鎖）debit card。」
文：TF
資料及圖片來源：bigjjseafood@threads
延伸閱讀：中環爆紅「珍姐海鮮火鍋飯店」突預告結業！被封「香港最難訂位」食店 捱唔住貴租？老闆親解執笠原因
————
