Chiikawa限定店千人蛇餅阿婆疑亂入？稱想買Labubu引全場大笑 網民：孫仔唔係要呢樣呀
更新時間：15:21 2025-04-11 HKT
發佈時間：15:21 2025-04-11 HKT
發佈時間：15:21 2025-04-11 HKT
字體大小
隨著Chiikawa限定店登陸尖沙咀，掀起一陣搶購熱潮，海港城外更現千人蛇餅等待入場，更有人排足7小時才成功買到心頭好，不過有網民目擊隊伍中有不少長者排隊，當中有一位婆婆疑似亂入，稱想買Labubu，引起全場大笑，網民笑指「佢識答都有料到」、「孫仔唔係要呢樣呀！」
排隊盛況：尖沙咀海港城400人長龍 坐海旁排通宵為搶1物！網民：漫漫長夜唔易過
Chiikawa限定店千人蛇餅阿婆疑亂入？答錯職員問題引全場大笑
日本人氣角色Chiikawa近日於尖沙咀開設官方限定店，當中首次於香港登場的辣咖喱及達摩系列，近日開放最新一輪發售，引來不少粉絲瘋搶，而且因數量有限及每人每款只能限購1件，可說是一「娃」難求！海港城外更現千人蛇餅等待入場，不少人沿尖沙咀碼頭「打蛇餅」排隊，場面墟冚！
日前就有網民目擊隊伍中有不少老人家出動排隊，當職員問其中一位婆婆「排隊買咩公仔」，對方竟回答「Labubu」（拉布布）疑似是Labubu粉絲亂入隊伍，隨即引起全場大笑。有網民無奈指：「佢識得Labubu都有啲料到」、「孫仔唔係要呢樣呀！」、「呀婆走得快，一定有古怪！」
網民現身解畫：婆婆用自己實力證明自己係唔識！
有現場網民現身解畫，留言指：「佢哋問點解唔派飛（籌號）比佢哋，職員就問：『知唔知排緊咩先？』，佢哋答唔出買咩，淨係話買公仔，仲畀埋電話個group職員睇圖要買邊款，後面有人玩嘢話我哋排緊買Labubu。」笑言：「婆婆用自己實力證明自己係唔識！」
有網民表示：「幫人買唔係問題，可以話係代購，最搞笑係唔知自己排乜先最搞笑！」亦有人大讚職員盡責，建議可以參考日本做法答中角色名才派籌號，減少「排隊黨」炒賣，讓真正粉絲原價買到心頭好。
來源：Facebook @ Chiikawa HK Fans Club ちいかわ 吉伊卡哇香港粉絲團～Nagano 兔兔小八小可愛關注組
延伸閱讀：CHIIKAWA首間香港官方Pop-Up直擊！3000呎期間限定店進駐海港城 400款日本直送商品/3大打卡位 附預約券/即日整理券領取方法
最Hit
前港姐冠軍獲身家逾15億「舖王」父親買樓當禮物？富爸爸罕現身 貼地陪睇示範單位
2025-04-18 14:00 HKT
71歲前港姐冠軍老公唏噓發文 大嘆「愛情需分開就當美夢一塲」 結婚逾廿年擁過百億家族生意
2025-04-18 19:00 HKT
