亨利拆局│練馬師王吼廖康銘

沈集成連續兩日封王，似乎衝擊冠軍並非得把口，起碼呢個季初要高度重視，不過佢今期陣容唔多對辦，就算繼續有馬贏，卻未必夠分爭取練馬師王。

查閱數據，上季泥草混合賽跑過十八次，封王通常要28分或以上，即是2W1P才有胡叫。環顧今期各倉布陣，伍、方、希皆兵分九路最養眼，文家良出馬八匹亦罕見積極，由於伍廄「友瑩仁」是上風馬，大有機會攞12分，所以我曾一度考慮捧伍鵬志練馬師王。不過再睇清楚，廖康銘出馬僅四匹卻隻隻精品，而佢上季試過出馬三匹亦封王，證明只要搏殺夠準也能以小勝多，決定揀佢！

回說今期廖廄馬，「河好運」上季兩戰千二負131磅亦入位，今季轉四歲卻只負130磅，贏面極大！「妙算高歌」上季兩次上名都蝕快步速，戴眼罩後煥然一新；「精英雄心」上仗遇超慢步速能後發先至，確認泥地性能特佳；「新強福盈」上仗在對面直路進退失據，今次排六檔起步會較易發揮。

目標：廖康銘

賠率：8.0

全日惡馬  第三場：河好運  

練馬師王最佳投注時機：第三場前