Juicy叮｜男乘客搭巴士多「吉位」仍坐少女旁邊港男拍照公審惹熱議

更新時間：15:14 2022-05-08 HKT
發佈時間：14:59 2022-05-08 HKT

乘坐巴士都希望有位坐，舒舒服服到達目地的。一名男網民於社交網發文指，乘坐巴士途中，發現一名身穿恤衫男士在巴士尚有不少空位的情況，竟挑選坐在一名少女的旁邊，男網民不值對方的行為，故拍下照片分享至社交平台欲公審其行為，引起熱論。

該名男網民於facebook群組「大埔人大埔谷」發文指，乘坐74X巴士往九龍灣方向時，途中一名身穿恤衫男士登上巴士上層，打算找一個座位坐下，「企定定已經左望右望」。樓主又透露，當時巴士最後數排尚有空位無人坐，惟該男子「揀咗喺我（樓主）身後一個年輕妹妹隔籬坐低」。

樓主對於該名男子的舉動心感可疑，故出言提醒，「同佢講後面好多位，點解要搵個女仔隔籬坐」，對方聞言後隨即反駁，「唔係男就女」，並怒罵樓主，「話我onX，未食藥等等」。未幾該名男子便閉目養神，不再作回應。

樓主不值該名男子所為，故拍照放上網惹熱議。FB圖片

樓主不值該名男子所為，故拍下其容貌，將照片分享至群組，藉此詢問網民的看法，「大家又點睇，聲就出咗，應該大家都見唔小呢啲人出現」。他又指，「已經提醒咗個妹妹小心同坐開咗好多」，並提醒各位女士要小心。

帖文引起網民熱論，有網民認同該名男子動機可疑，「如果小妹妹有事真係唔敢出聲㗎，多謝你肯提醒佢，欣賞你」、「到佢出咗手先出聲就太遲」、「支持你見義勇為」；有網民則認為對方未作出任何行為，但已遭樓主放上網公審，質疑有「未審先判」之嫌，「大家都一樣畀錢搭車，有選擇座位嘅自由」、「人哋無做錯，無啦啦俾你擺上網」、「人哋無動靜，但你走去影人就變咗係你問題」。

資料來源：大埔人大埔谷

立即下載｜全新《星島頭條》APP：https://bit.ly/3yLrgYZ