Juicy叮｜老鼠膠變飛毯 荃灣菜館活老鼠從天降
發佈時間：18:11 2022-11-11
有網民日前在荃灣一間泰國菜館歎下午茶時，遇上天降活老鼠作頭盤奇事。從相片可見，活老鼠懷疑連同老鼠膠和老鼠藥，像坐飛毯般一同降落。有回應的網民笑言菜館加餸，送上「米奇刺生」。
樓主日前在facebook專頁「荃灣人」上載相片，指在路德圍菜館下午茶期間，「嘢食未到先從天花跌咗碟活生生嘅米奇落嚟」。
現場情況和網民回應請點擊組圖瀏覽：
在回應網民言論時，形容自己「中獎」的樓主指，原本「行過諗唔到食乜先去」，事發後已「即時冇胃口走人，之後send 咗email 去食環」。
食環署發言人回覆《星島頭條》查詢時表示，根據紀錄，有關菜館持有署方簽發的普通食肆牌照。署方於11月10日（周四）接獲1宗相關投訴，並於同日派員到查詢所指食肆巡查，雖然期間未有發現鼠蹤，惟發現其廚房牆壁不潔，遂向該食肆持牌人提出檢控，以及向該食肆負責人及其員工給予相關衛生教育，包括防治鼠患的知識，並提醒他們須時刻注意個人、食物及環境衛生。發言人續指，署方會繼續留意有關食肆的衛生情況及採取適當行動，確保食物安全和環境衛生。《星島頭條》亦已就事件向相關食肆查詢，有待回覆。
網民回應事件時答得直接，指「嚇死人咩」，有人搞笑指「加餸喎，米奇刺生」，另有網民留意到墮下的活鼠身形瘦削，大呻「冇陰公咯！邊個攪到米奇咁瘦？嗰度啲嘢唔啱佢食咩？」。
相關新聞：
Juicy叮｜屯門屋邨驚現瘋狂「老鼠膠」陣 網民：多到人都捉到：https://bit.ly/3UQ1HQf
食環署試驗9區後巷擺大型垃圾桶 收集食肆垃圾杜絕鼠患：https://bit.ly/3hzEB1Y
Juicy叮｜羅麥記樓面靚姐掃把大戰肥老鼠 網民肉緊：好犀利：https://bit.ly/3DRDCSg
因應鼠蹤，有路德圍街坊指區內常有老鼠出沒，多人連隨分享經驗：
●「呢頭附近嘅米奇多到嚇親你哋，政府地區議員都唔理，我住附近，近幾年都陸續有鼠入屋，而家真係唔敢開窗開門，搵左d鐵網封窗先好d。附近真係太（多）食肆同埋星期日賓賓開餐開到一地都係垃圾。」
●「路德圍宜（依）家好多老鼠，非必要真係唔會嚟呢頭食，因為成日夜晚經過呢邊，十次有五次都可以見到老鼠。」
●「你覺得成條街得佢一間有老鼠，講真如果衛生成個路德圍都唔可以幫襯。」
●「講真，路德圍衛生真係好差，特別係星期六日，一落樓就頂唔順，外傭多、垃圾都多。唔係好夠膽食個度d野。」
●「係路德圍出現真係冇乜出奇，肯定間間（食肆）都有幫趁過。」
帖文來源：荃灣人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
