港女指，男友母親怪責她在聖誕節相約其兒子外出。資料圖片/《愛回家之開心速遞》劇照

Juicy叮｜不滿港女聖誕約兒子外出阿媽：「撒旦邪靈嘅人」先會拍拖慶祝

更新時間：11:33 2022-12-25
發佈時間：12:33 2022-12-25

一年一度的聖誕節，不少人會出外慶祝。有港女發文指，今年是第一年與男朋友一同歡度聖誕節，並相約在平安夜一同品嚐美食，沒料到在出發前卻接到男友母親的來電，對方怪責她在聖誕節相約其兒子外出，並指「聖誕節慶祝嘅方法係翻（返）教會，唔會拍拖，呢啲慶祝方法係撒旦邪靈嘅人先會咁做」。

該名港女在Dcard討論區以「男朋友呀媽冇啦啦打嚟鬧我」為題發文，提到今年是第一年與男朋友一同歡度聖誕節，並相約在平安夜一同品嚐美食，而該餐廳更需要提早一個月預訂。她指，在平安夜的早上，自己正在滿心歡喜地挑選服裝時，突然接到男友母親的來電，「一嚟就開口鬧我問我做咩聖誕節要約佢個仔出街，我一頭問號咁答佢因為要慶祝聖誕節」。沒想到，對方隨後卻激動地回答，「聖誕節慶祝嘅方法係翻（返）教會，唔會拍拖，呢啲慶祝方法係撒旦邪靈嘅人先會咁做」。港女對於對方的回答感到驚訝，並指一直知道對方有宗教信仰，但男朋友自小學畢業後已未有再到教會，「我冇諗過同佢第一個聖誕節會發生啲咁嘅事」。她又補充指，隨後有向男友講述事件，男方則指不需理會。

網民隨後紛紛留言，並建議樓主與男友分手，又指「建議分手，呀媽難搞呀」、「咁佢應該鬧自己個仔啦，男朋友冇同你講唔得閒，你鬼知咩」、「真係可以分，咁搞法真係拍拖都唔方拍得長，個男仔可以因為佢阿媽單身一世」、「未結婚就婆媳問題，日子如何自己諗啦」等。另有人則指出，「我阿媽信教都係講同一樣嘅嘢，老一輩係咁」、「同佢講翻（返）愛情係神賜予嘅禮物，所以聖誕節拍拖係一種感謝天父賜咗呢份禮物俾我地人類嘅方法」、「傳統聖誕節應該都係家庭團聚，但因為時代變咗，咩節日都可以係情人節。人地阿媽可能因為信教所以更加希望用傳統方式與家人聚聚過聖誕啫，應該唔洗諗咁多嘅」等。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLr