Juicy叮｜一擲千金搭巴士網民估：啱啱對六合彩中咗8000萬

更新時間：16:49 2023-01-07
發佈時間：16:49 2023-01-07

不是眼花，巴士錢箱驚現一張對摺的金燦燦「金牛」。轉載相片的網民驚問「有咩驅使你上到巴士之後發現自己得一張金牛，唔係選擇落車搭的士而係一嘢抌落錢箱？」，並hashtag「#真心幾型」和「#終於唔係畀幾蚊扮大爺了」。

錢箱情況及網民回應請點擊組圖瀏覽：

認真回答的網民想出千百個理由，如「手機無電、尾班車、在山上面」、「啱啱對六合彩中咗8000萬？」、「飲大咗！司機大哥唔駛找。或者元朗圍頭大叔，飲完宴會，啤啤夫，攞千元大鈔當佰元使！」、「巴士迷嘅嘢，你班煩人識條鐵咩」等等。

有人看圖作故事，想出了個「愛情故事」——「富二代上巴士追平民女，上車發覺無散紙」、「富二代表示：我咪入咗張散紙」、「富二代 : 無計，如果唔係港幣最大面額得1000元，我都想入1萬」。網民讀畢簡單總結：「睇太多電視劇」。

另有網民將情景代入酒吧，指「如果我係你，我會大叫呢一round我嘅」、「要型就全程企在司機隔離，有人上車就話『我請』到落車」、「我要包起呢轉車」。有網民則笑說「上車，敲鐘，大叫：呢round我嘅」，但司機可能回應：「唔夠數萬歲」，另有人指「旅行團一行50人上車，每人20蚊差唔多啦」。

更有網民講出親身經歷，指「我以前喺愉景灣揸機場線就試過，係啲酒店客嚟」，有網民猜可能是「計錯匯率睇錯牌」。再有網民批評「懶係型，條友轉頭抄車牌去巴士公司攞返啦」，網民好奇「得架咩？」，回應的網友指「乘客只要記低車牌時間行車路線，係可以攞得返嗰1000蚊，但有無時限就唔確定」。

帖文來源：卡佬正傳 / ray

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

最Hit

2024-12-24 21:30

10小時前

12小時前

6小時前

15小時前

2024-12-24 15:21

2024-12-24 09:00

10小時前

17小時前

2024-12-24 12:00

Juicy叮｜一擲千金搭巴士 網民估：啱啱對六合彩中咗8000萬