紫心蛋糕離奇擱港鐵月台垃圾桶 網民:背後有個傷心故事|Juicy叮
發佈時間:15:24 2023-04-22
![網上流傳一個寫有「Ying」字的紫色蛋糕,耐人尋味地被棄於港鐵月台垃圾桶邊緣的相片。](https://image.hkhl.hk/f/1024p0/0x0/100/none/66d95498222f561bbbf0852fe7dc9da3/2023-04/20230422_NEWS_cake_cy.png)
網上流傳一個寫有「Ying」字的紫色蛋糕,耐人尋味地被棄於港鐵月台垃圾桶邊緣的相片。寂寞的蛋糕身影惹來網民無限想象,人人情聖上身,一人猜一個理由但都離不開感情事,並形容蛋糕為「變心蛋糕」、「好大的一個lemon(檸檬)」,覺得「阿Ying好狠心」。
蛋糕棄垃圾桶實況及網民回應:
「一個蛋糕一個故事…」,對於蛋糕被棄,網民各有想法:
「可惜」、
「蛋糕哭了」、
「傷心的蛋糕」、
「或者係帽事呢」、
「巧似有人失鏈喎」、
「阿Ying 唔食蛋糕」、
「個蛋糕好似好唔開心」、
「蛋糕背後有個傷心的故事」、
「人哋唔鍾意,送甚麼都無用」、
「可能係:一個傷心的蛋糕?」、
「個蛋糕係無辜㗎……點解咁對佢」、
「應該係追緊人,而對象約咗第個」、
「可能送唔出呢......btw個蛋糕真係無辜」、
「個個以為Ying係女人,其實Ying係男人!」、
「亦都可能係收咗唔想要,轉頭掉入垃圾桶」、
「可能就係人哋攤牌拒收,送嗰個要自己掉嘅呢」、
「有人整咗一個蛋糕俾阿Ying,但發現其實對方叫阿Ling」、
「可能係一個女仔親手整咗一個蛋糕俾一個叫Ying 嘅男仔,但可惜......」、
「溝女無十足嘅把握,都係唔好浪費亂買嘢啦,就算送唔出,後著都唔一定係要掉」。
網民:蛋糕係無辜的
樓主以「太浪費,蛋糕係無辜的」為題上載相片,網民除了想知背後原因外,也同意做法浪費,有人指,「踎低綁完鞋帶起身唔記得咗攞」、「發現記錯生日日期」、「應該記錯生日日期,即刻趁未發生血案前棄掉」、「為咗記念垃圾桶生日」、「但心意無價,睇得出好有心思整出來」,鼓勵「蛋糕主人加油」。
另有人稱「擱喺垃圾桶邊無直丟入去,係咪就係等人容易啲執咗去」、「咁攞番屋企人食都好吖,拒絕做大嘥鬼,做人都要現實啲會好啲」、「放喺垃圾桶上面,睇得出主角用咗好多心機去整,佢自己都唔捨得掉」、「唔放入垃圾桶內,主人係想有人帶走蛋糕,以免造成浪費」、「蛋糕冇罪,應該可以吃掉」。
有網友坦言蛋糕的「色水和圖案又真係娘得太交關嘅!PS,其實間烘焙店好似都有好大責任和問題,點會畀呢個螢光粉紅配那個粉紫藍,再要撞個豬肝紫紅,仲要配那條格仔絲帶!完全係9588嘅“表表姐”呀」、「那個紫唔係人人都接受到」、「肯定是顏色太詭異啦!」。
網友:會唔會係唔食得嘅黏土蛋糕?
另有網民懷疑「其實會唔會係唔食得嘅黏土蛋糕?」,和議的網民細心分析指「應該都係,因為放大d黎睇~似手作材料,d白色cream睇落好硬淨」、「應該唔係食物,白色同紫色cream邊好呤,但炒紅嘅cream啞色,另外d色真係似黏土多過食物。個人認為似係黏土蛋糕。至於有咩故事,的確耐人尋味」;另有人估計是「道具蛋糕,拍攝用」。具偵探頭腦的網民則稱「細個睇電影情節,呢個通常係炸彈」、「似整估蛋糕,小心,勿近,可能會爆」。
帖文來源:香港風景攝影會、將軍澳主場
相關新聞:
情侶慶生「打得火熱」蠟燭焫著頭髮好事網民想睇埋後續
![情侶慶生「打得火熱」蠟燭焫著頭髮好事網民想睇埋後續 情侶慶生「打得火熱」蠟燭焫著頭髮好事網民想睇埋後續](https://image.hkhl.hk/f/1024p0/0x0/100/none/ed8137634a60f056738e007de67fea00/2023-04/20230311_NEWS_hair_0.png)
同場加映:
人妻挑戰一周「真空」返工 自拍全過程 記錄男同事反應
![人妻挑戰一周「真空」返工 自拍全過程 記錄男同事反應 人妻挑戰一周「真空」返工 自拍全過程 記錄男同事反應](https://image.hkhl.hk/f/1024p0/0x0/100/none/0665f0ccf24239a11ad5883f37ddf4bc/2023-04/20230105_news_freenipple22_.png)
日本「ノーブラ散歩(不戴胸圍散步)」的風氣越演越烈,有網紅決定大膽挑戰一周「真空」返工,不穿內衣出門,甚至到公司工作仍然維持「真空」。
她自拍紀錄「真空挑戰」的全過程,記錄男女同事的反應,發布網絡後,引來網民熱議,結局更出乎意料。
這次大膽進行一周「真空挑戰」的女子為台灣已婚網紅蕾菈Lyla,她所謂「一周」最終只實行了五個工作天,挑戰約在個多月前進行。
【人妻挑戰一周「真空」返工|足本全過程逐格睇(附字幕)↓↓↓↓】
網民對事件反應兩極,支持者指「真空」出門是女性權利:「在國外很多女生都沒有穿內衣,大家都習以為常了。」「又沒犯法,是別人的有色眼光罷了。」反對者則表示,事件有刻意賣弄色情之嫌,完全不值得鼓勵及模仿,「這算不算對男生構成尷尬呢?」
相關新聞:
港女藝人尖沙嘴挑戰「真空」散步 「飛釘」片瘋傳 自稱:緊張害羞
再有港女灣仔挑戰「真空」散步 「飛釘」挑機:男人日日都唔着內衣㗎啦!
---
《星島申訴王》於3月1日隆重登場,節目為民請命抱不平、追蹤城中熱話,亦會搜羅溫情小故事。你申訴,我跟進,搵91999933,《星島申訴王》隨時候命!
立即報料: https://bit.ly/3IMunqd
你的獨家報料一旦被採用及報導,將獲得乙份獎品。
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ