惡妻菜刀拍枱「家暴片」瘋傳 赤膊男晒一身血痕大控訴 一句話露餡疑另有內情｜Juicy叮
發佈時間：05:52 2023-07-05
網絡近日瘋傳一段惡妻以菜刀拍枱指嚇丈夫的「家暴片」，該惡妻手持菜刀邊大力拍枱，邊向丈夫咆哮：「嚟呀！攞菜刀家暴呀！」「攞我嚟玩！攞我嚟蝦！」赤膊的丈夫在片中自拍一身血狠作控訴，但網民憑一句說話估計事件另有內情。
惡妻菜刀拍枱「家暴」 赤膊男晒血痕控訴 網民揭疑似內情↓↓↓↓
該段家暴片約有30秒，近日在社交平台熱傳，影片開頭看到全屋一片凌亂，物品疑被人推跌撒滿一地，現場似爭發生激烈爭執。
這時鏡頭影著一名站在門前、全身黑衣黑褲的長髮中年女子手持菜刀，只見她激動地彎身著鞋，怒斥：「攞我咁嚟睇扁！」
菜刀拍枱狂爆粗
之後她走向拍片者，期間邊揮舞菜刀，邊挑釁語氣怒喊：「嚟！嚟！」當她走近一張枱旁，即大力以菜刀拍枱，並爆粗：「X家X，大家攞菜刀呀啦。」
這時她怒睥著拍片者，怒罵：「X家X呀你，蝦我一直（一直蝦我）！」這時拍片者影著自己的手臂，見到臂上有一條血痕。
「攞我嚟玩，攞我嚟蝦！」
這時女子再大力以菜刀拍枱，怒罵：「嚟呀，X家X你！」拍片者這時影著自己，只見一名赤膊男子，滿身血痕，從對話估計，自拍男子可能為女子的丈夫。
男子自拍傷痕時，聽到女子仍在怒罵：「攞我嚟玩，攞我嚟蝦！又蝦我嘅妹，每一日啊！」
男子繼續自拍，並表示：「睇吓我間屋，畀人哋......」暗示全屋一片凌亂，物件四散似為女子所為。
「係呀 攞菜刀家暴呀啦！」
但當他說到一半時，即被女子大聲打斷：「係呀，家暴呀，嚟呀！攞菜刀家暴呀啦！」女子並再大力以菜刀拍枱。
這時鏡頭轉向拍攝女子，看到該女子怒目而視，兇神惡煞地喊叫：「X家X你，邊個惹嚟打交......」影片至此結束，未知後續情況，影片未有交代拍攝時間及地點。
網民籲報警：遲早搞出人命
網民對影片熱烈討論，不少紛紛批評女子的家暴行為，呼籲被虐者盡快報警求助：「出菜刀唔簡單啦，無得傾，一定要報警。」「(男人)成身傷痕，報警驗傷，佢老婆走唔甩。」「個男人真係要盡快報警，唔係遲早搞出人命。」
「點解咁都忍得？」「把刀拍拍聲咁打落枱到，真係個心離一離。」「好恐怖，唔啱咪離婚囉，點解要搞到出刀。」
網民：個男人身有屎？
面對如此嚴重家暴，何以該男子不報警？不少網民從女子的說話中，懷疑該男子可能亦有對妻子施以家暴，估計事件另有內情：「個男人係咪身有屎，唔敢報警。」「嗰個女人話個男人一直蝦佢同個妹，會唔會係忍無可忍？」
「『攞我嚟玩，攞我嚟蝦』呢句嘢，件事似乎唔係表面咁簡單？」「聽落似男人一直家暴，個條女終於爆發反抗咁款。」「個女人嗌『大家攞菜刀呀啦』，係咪暗示有人用菜刀嚇過佢？」
點解男人唔報警？網民話件事可能係...↓↓↓↓
施虐者干犯罪行可被檢控
律政司官方網頁就「檢控涉及家庭暴力案件的政策」指出，如果暴力行為在家庭內發生，施虐者可能因干犯一般刑法的罪行而被檢控。
例如，《刑事罪行條例》(第200章)就性罪行及相關罪行如強姦、亂倫、猥褻侵犯和刑事恐嚇作出懲處規定。
《侵害人身罪條例》(第212章)涵蓋的罪行包括殺人、傷人、襲擊、強行帶走或禁錮他人、非法拋棄或遺棄不足2歲的兒童，以及故意襲擊、虐待、忽略或拋棄兒童。
律政司官方網頁指出，家庭暴力的施虐者及受害者可以屬任何性別，而不論家庭暴力的受害者或施虐者屬於什麼性別和年齡，檢控人員都應該對所有家庭暴力受害者的需要和訴求作出適切的回應。
相關熱話：
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
