旺角墨鏡大媽偷竊斷正發狂暴走 女店員碌地熊抱 圍觀者舉動惹公憤｜Juicy叮
發佈時間：07:01 2023-07-11
網絡瘋傳影片，一名戴墨鏡大媽在旺角一間時裝店偷竊，當場斷正竟發狂掙扎暴走，女店員死命熊抱，雙方由店內糾纏至街頭，情況混亂，此時圍觀者的舉動引發網民熱議。
旺角墨鏡大媽偷竊暴走 女店員死命扯實 圍觀者咁反應...↓↓↓↓
影片全長約2分鐘，在上周六(8日)起在多個社交平台瘋傳，現場為旺角花園街一間時裝店，店內衣服劃一價格50元一件，非常廉宜。
影片開頭見到一名女店員在街上，扯實一名戴墨鏡的大媽手部及手袋，上載影片的網民指該大媽偷窺斷正，轉身逃走被店員捉實拉扯，樓主指「有其他鋪頭老細認到，係慣犯。」
偷竊衣服丟地上
兩人糾纏期間，大媽拿著疑似偷竊的衣服跌在地上，大媽夾在腋下的手袋亦丟於地上，大媽一邊掙扎，一邊尖聲喊叫：「哎吔，我唔掂㗎，我，我唔掂㗎！」
大媽明顯比店員大力，女店員雖死命扯實，但大媽力大，將女店員整個人扯著走。
偷竊大媽哀求：我畀返錢你呀
期間女店員大聲喊：「你偷嘢呀！」大媽以尖聲大叫回應，說話模糊不清，突然大媽拉扯間，伸手入手袋中向女店員表示：「我畀返錢你呀！」
不過，女店員將大媽扯實，大聲喊：「你無得揀呀！」大媽這時不再掙扎，邊跟隨店員走回店鋪，邊打開手袋，繼續向店員說：「我畀錢你啦，我畀錢你啦。」
乘店員報警欲衝出店外
有途人則將剛才掉在地上的衣服，拾回交給店員。
當大媽走到店鋪門前，竟突蹲下「賴死」，當店員拉起她時，她又退回店鋪內，這時女店員再訓斥大媽：「你唔好偷人嘢呀嘛。」
女店員熊抱攬實
兩人進入店鋪後，大媽似情緒平靜，但當女店員拿起手機，似在報警時，大媽竟又發難想衝出店外。
女店員此時以熊抱方式，死命攬實大媽，大媽這時大力掙扎，不斷尖叫，手袋中一些私人物品亦跌出來。
路人圍觀食花生：畀返錢就算啦
現場有不少路人圍觀，店內亦數名顧客在揀選衣服，當兩人在店內激烈糾纏時，眾人紛紛閃避。
路人在門外圍觀，影片聽到不少路人邊看兩人糾纏，邊大發議論，有人表示：「畀返錢就算啦。」有人則謂：「報咗警啦，隔離嗰個。」「報咗警，佢唔畀你走。」「要警戒吓先得。」「個個話我畀返錢，總得了嘅。」
影片至兩人在店內糾纏時結束，據上傳影片網民表示，最後該大媽成功掙脫逃去，「當事人話係，個賊婆太大力！」
「唔係呀！$50貨品都要偷？！」
網民對事件議論紛紛：「唔係呀！$50貨品都要偷？！」「慣犯！咁一定唔好放過佢！太過份！」
網民對於現場圍觀路人狂食花生，卻未有幫手大感憤怒：「點解個個都喺到食生，唔幫手報警？」「咁都冇人幫手，剩係睇同拍片。」
「要店員自己報 可悲！」
「無人報警，要店員自己報，可悲！」「一個人睇舖......又要捉又要依樣嗰樣，唉~」
對於有路人表示「畀咗錢算數」，不少網民表示絶不同意：「縱容下次再偷。」「個個都話，唔好報警畀返錢就算，呢啲偷嘢嘅人，罰下佢先得啦～寵慣啲人仲得了。」「有時啲嘢唔係俾錢就可以解決到......佢呢啲人絕對唔可以放。」
同場加映：直擊旺角4男圍捕花衫賊 撳地制服突拋超無厘頭原因搏鬆手 網民：創意大師！↓↓↓↓
網絡熱傳一段市民合力制服旺角花衫賊的影片，竊匪在連鎖店內偷竊後，拔足而逃，最終遭4名好市民合力撳地制服，未料此時花衫賊竟爆出「超無厘頭」原因要求鬆手，引起網民熱議，紛紛笑指是「創意大師」。
直擊旺角花衫賊遭撳地制服 超無厘頭原因求鬆手↓↓↓↓
詳情瀏覽：直擊旺角4男圍捕花衫賊 撳地制服突拋超無厘頭原因搏鬆手 網民：創意大師！
相關熱話：
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
