「名畫黨」出沒踩中要賠錢？醒目網民教應對妙法免受騙【附「名畫」介紹】｜Juicy叮

更新時間：11:42 2023-08-26 HKT
發佈時間：11:42 2023-08-26 HKT

橋唔怕舊，沉寂一時的「名畫黨」再現江湖，近日被不少網民野生捕獲。「名畫黨」騙徒的行騙手法大都是將「國寶」畫卷攤開放於地上，當有途人不小心踩到時便要求賠錢。據網民描述，懷疑騙徒有同黨，會刻意從後推撞路人以製造踩中「名畫」的機會——「佢有同黨，一個偷拍一個係後面推你」。

據網民所指「名畫黨」近日曾在以下地點出沒↓↓↓↓

綜合以上網民提供的資料，「名畫黨」近日曾於中環、灣仔、（西環）屈地街、紅磡土瓜灣、尖沙咀、旺角、（長沙灣）海麗邨、大圍、（沙田）沙角邨、馬鞍山、葵涌等地出沒。而早於5月16日，已經有網民以「踏一腳就話幾廿萬的地毯名畫黨又出現了！」為題，上載「名畫黨」於中環一天橋開工的相片。另有網民指「10年前荔枝角已經見過，正常人佢呃唔到的，我試過踩中『啤』佢，佢擰轉頭」。

「名畫黨」騙徒出沒逐張睇＋網民提供應對措施↓↓↓↓

對於「名畫黨」再現江湖，醒目的網民想出多項調皮的應對措施，如「行過倒瀉奶茶」、「搵幾十人甚至100人圍佢」、「對付依啲呢，戴黑超，喺淘寶買支盲公竹。直接行過去，等佢冇仇報」、「好想攞住桶水經過然之後唔小心Ｘ街......」、「一定會唔小心畀佢幅畫Kick到」、「隨地丟垃圾，踢返入垃圾桶」、「你幅畫整污糟我鞋底，我都未出聲，你出咩聲？」、「開個群，見到即Call一齊去踩！」。

網民：告佢阻街

另有人慨嘆騙徒「不務正業」，氣憤地指「踩咪踩，放地下嘅垃圾，踩多兩腳」，並認為「睇下邊個踩到啫，古惑仔人多佢夠膽屈咩，腳都打跛佢呀」。有人則建議「組團一齊踩完再報食環」、「打去食環署告佢阻街」、「我會報警拉佢！」、「報個警話有人偷運國畫先啦」、「報國安，疑似走私逃稅販賣天價國寶」。

「名畫黨」騙徒出沒逐張睇＋網民提供應對措施↓↓↓↓

有網民還認為「咁值錢嘅話就唔會擺地下啦！」，並反問「踩中又點？唔賠又點？」、「唔賠會點？」、「我唔賠又點」，於是有人回應「真心講，佢咬你唔食，佢地只會咬到膽小怕事的人」。其他網民回應請瀏覽上圖↑↑↑↑和下圖↓↓↓↓

「名畫黨」名畫原來係呢張 ...... ＋網民提供應對措施↓↓↓↓

有好眼力的網民發現，「同一招對付聖鬥士無用嘅，幾年前已經有，仲係同一個人，同一幅畫喎！一啲都無進步嘅～」。細看「名畫黨」放地上的「國寶」家當，似乎大多是同一幅畫，畫袋也是相似的款式；而有關作品的圖樣，相信為內地畫家張孝友的界畫《南鄉舊夢圖》，作品是畫家憑兒時記憶所繪的一卷「江南民國風情錄」。有網民甚至在網上商店，找到仿製的《南鄉舊夢圖》，未計運費售103.73港元。

張孝友《南鄉舊夢圖》

《南鄉舊夢圖》可說是張孝友的代表作。網上資料顯示，張孝友祖籍浙江寧波，1935年生於上海，1954年考入中央美術學院，師從吳作人、王式廓、馬克西莫夫（蘇聯畫家）、李可染、蔣兆和等。張孝友畢業後任教於中央工藝美術學院（清華大學美術學院前身），並長期研習中國工筆山水界畫。至於界畫，則屬中國畫一個門類，因作畫時用界尺引線，用以畫建築等物而得名。