銀行經理越軌手段 6旬港婦痛失近2千萬身家：「我對佢已經失晒防守！」｜Juicy叮
發佈時間：13:48 2023-08-31
HOY TV節目《一線搜查》報道，一名60多歲港婦因取消定期戶口，認識了一名銀行客戶經理，經理對她大獻殷勤，甚至不惜多次以越軌手段、違反操守討好她，該港婦坦言對他「已經失晒防守」，結果因此丟失近2千萬身家，更要孭上1500萬的保險數。
疑為搏取信任 銀行經理4招越軌手段大披露↓↓↓↓
港婦Mary（化名）向HOY TV節目《一線搜查》求助，她表示，在2019年年尾因為到一間銀行辦理取消定期存款，結識了為她辦手續的銀行客戶經理John。
John給Mary的卡片，職銜是某銀行荃灣分行的副董事及優先理財中心主管。
「佢令我產生好感」
初期接觸，「佢令我產生好感，(因為)我未正式搵佢幫我做嘢，(我)只不過存款，唔關佢事嘅，佢竟然去第間銀行嗰度，幫我睇啲資料喎，分析畀我知，邊啲好邊啲唔好喎啊。」
銀行客戶經理John，更在私事上提供多項Mary形容為「窩心」的協助，據Mary透露，這些協助部分甚至涉嫌違反操守。【銀行經理John對Mary施展的越軌手段，詳見上列圖輯↑↑↑↑】
「我啲仔女都未有咁貼心啊」
「即係呢啲唔係朋友可以做得到囉，好到咁，我當佢係自己人一模一樣，我啲仔女可以咁講法，都未有咁貼心啊。」
「咁根本上，我係失晒防守，對佢根本已經係。」
銀行戶口被「降grade」
當時Mary已完全信任John，由2020年起，陸續將全部2千萬元身家，轉到John任職的銀行，交給他管理。
直至去年（2022年）年中，Mary收到銀行要將戶口「降grade」的通知信，她這時才驚覺自己2千萬元存款，竟只剩170萬元，身家不知不覺蒸發9成。
「佢淨係講咗幾句說話」
「我當堂晴天霹靂！」Mary即時致電John：「佢講嚟講去，淨係講咗幾句說話：『對你唔住、都係我唔啱、我唔知道輸到個客咁樣、我都覺得好對你唔住』，你（指John）淨係咁樣啫，淨係不停對唔住、對唔住。」
Mary表示，自己2千萬身家被蒸發9成，是因為John用她戶口內資金做很多高風險的投資。
「全部都係蝕㗎」
「佢竟然次次可以報電話畀我，嗱，今次賣咗呢一隻，轉咗呢一隻喇嗱......」
「佢話仲有四廿幾萬賺，總共未蝕過，原來全部都係佢噏嘅，全部都係假㗎，全部都係蝕㗎。」
從Mary向節目組提供的資料顯示，Mary戶口在過去兩年內，單一個戶口，一個月有四、五十宗外幣買賣交易。除頻繁做外幣買賣交易外，Mary亦買入股票掛鈎產品和購買高額融資保單。
每月孭5、6萬保險供款
Mary表示，John後來叫她買一份200萬美金（約港幣1500萬）的保險，「要畀息口嘅，我完全唔知。」該份保險目前仍要供款，每月供5、6萬元，Mary表示，根本終身亦不可能供到這份保險。
面對資產幾乎全部蒸發，但仍有一份1500萬的保險要供，Mary坦言曾想過自尋短見，但她擔心丈夫知道後，會和她一同自尋短見而作罷。
直擊與John當面對質
節目組其後到有關銀行分行，成功接觸到John，當節目組提及事主姓名時，John即否認身份，這時節目組鍥而不捨追問，要求John回應事件。【本來放工的John折回辦公室，節目組全程貼身追訪，John會如何回應？鏡頭下他特別地全程做一動作，詳情見下列圖輯↓↓↓↓】
直擊對質｜港婦指斥丟失近2千萬 銀行經理咁回應↓↓↓↓
Mary曾向有關銀行投訴，但指銀行只對她的投訴冷處理，她其後金融管理局投訴，節目向金管局查詢，獲回覆表示不評論個別個案，監管局強調有跟進處理每宗投訴個案，若發現有違規情況會嚴肅處理。
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
