疑離婚街頭怒棄結婚相簿？網民發現一重點或解開謎團｜Juicy叮

更新時間：12:02 2023-10-06
發佈時間：12:01 2023-10-06

一本滿載甜蜜記憶的結婚相簿，日前被赤裸裸地遺留在鑽石山一小巴站頭，網民起哄估計原因，最多人說是「離咗婚唔要啦！」或「婚外情」，有人甚至因應1990的年份，傷感地問候相中人「結婚34年，你過的好嗎？」

但有網民洞察入微，憑一細節力排眾議，一言驚醒，似乎解開了相簿遺街頭的謎團......

被棄結婚相簿逐張睇↓↓↓↓＋網民痛心回應↓↓↓↓

遺荷里活廣場小巴站頭

樓主日前在有關失物報失及認領的facebook專頁上戴相片，並留言指「鑽石山荷里活廣場巴士站70號小巴站頭，跪玻璃系列或離＿冷靜期，認識的就提提佢，都係打返格仔先」。網民第一時間即錯重點，關注樓主的劃線打格仔方式，指「樓主啲打格似贈興」，獲樓主回覆解釋「又要打又要睇到樣很難哦」。

細看相片，打雀咁眼望真相中男女的網民於是入正題，爭相發言，估計相簿中人因離婚而棄置相簿，指「離咗婚唔要啦！」、「應該係離咗先唔要」、「話唔定離咗婚掉嘅」，直指「是垃圾，非失物」。

被棄結婚相簿逐張睇↓↓↓↓＋網民痛心回應↓↓↓↓

網民：算把啦夫妻如衣服

有人因而感嘆「當愛已成往事」、「逝去感情如何留得住......半點癡情遺留殊不易......更多悽悽慘慘的遭遇」、「算把啦，夫妻如衣服呀」，繼而有感而發指「人生就係咁。我都準備好似佢咁。太多問題」。見到相簿印著1990字樣，有網民直覺兩人於當年結婚，傷感地問「結婚34年，你過的好嗎？」、「1990結婚，現在已經50幾（歲）」。

還有網民有另類想去，「又或者係影得唔好嬲到掉呢」、「應該唔小心啩？真係唔要應該有啲公德心扔落垃圾桶」、「婚外情」、「嬲嬲地求其搵位放」、「人都走咗嚕……交俾站長啦」。

被棄結婚相簿逐張睇↓↓↓↓＋網民痛心回應↓↓↓↓

網民：疑為婚紗店樣品書

不過，有洞察入微的網民卻稱「睇啲禮服同造形，應該至少有十幾廿年嘅時間。紙袋都冇個就多數唔係唔小心漏底。至於個1990年，似係間攝影公司名咋啩！」、「我覺得係樣品書。呢間Ｘ係台灣公司，台灣婚紗店門口都會擺一本咁嘅樣品書畀人參考。憑我嘅經驗，呢本入面嘅couple（夫婦）似model（模特兒）多d，我直情覺得我見過添」、「搵呢間影嘅人收到個本書都會有公司logo（商標）」。

說著婚姻話題，有網民突然爆料指「我住果度公共屋邨有結婚30多年，香港太太剛搭兩元車追求激情有外遇，由葵青公屋嫁去（北角）賽西湖。賽西湖業權太太是一半擁有。難為爸爸人又老，好好一頭家又散。攪散別人大好家庭，很陰騭」。