移英港媽花園曬臘腸：發夢都無諗過識整 網民好奇：陰濕天氣都曬到？｜Juicy叮
發佈時間：08:03 2023-11-16 HKT
有移民英國的港媽早前在facebook上載相片和食譜報喜，宣告成功自製臘腸，強調發夢都無諗過自己會整臘腸。
樓主大方公開自家成功一手一腳做臘腸的經驗，指用自己浸的玫瑰露醃肉，將大舊豬肉切粒後灌腸，每日把臘腸從花園攞出攞入照顧周到，待收乾後便蒸來細意品嘗。
移英港媽自家曬臘腸逐張睇↓↓↓↓＋ 網民虛心學習↓↓↓↓
網民「真正」天然生曬，零捨不同！
回應的網民均大讚臘腸正、樓主叻，指「『真正』天然生曬，零捨不同！」。有人甚至查問當地人才會明白的事——「你家沒有狐狸來試味嗎？我家狐狸佢哋在我花圃埋白鴿屍喎」（編按：英國近年狐狸數目大升，不時闖進人家花園覓食，甚至挖泥埋藏獵物）。
移英港媽自家曬臘腸逐張睇↓↓↓↓＋ 網民虛心學習↓↓↓↓
網民：陰濕天氣如何曬臘腸？
樓主上載多張花園曬臘腸相片，臘腸以衣架如萬國旗般晾曬。有網民好奇當地陰陰濕濕的天氣如何曬得成臘腸，樓主一一解答↓↓↓↓
網民：「喺成日天陰落雨又潮濕嘅英國曬臘腸是否搞錯了甚麼」
樓主：「咁落雨梗係唔得啦！好天時攞出去囉！」
網民：「衫都唔係成日曬得乾，竟然曬到臘腸」
樓主：「其實臘腸唔係曬係風乾嘅」
網民：「但要乾爽有風日子，如果濕氣重的日子好易生蟲，在香港有朋友試過」
樓主：「我多數見出太陽先攞出去晾」
網民：「不過英國冬天就算出太陽，而家濕氣都好重，乾唔透」
移英港媽自家曬臘腸逐張睇↓↓↓↓＋ 網民虛心學習↓↓↓↓
網民：人哋隔離屋多得你唔少
另有網民則替樓主擔心，恐怕曬臘腸的舉動和味道會影響鄰居，指「隔離房見到會覺得好核突」、「人哋隔離屋多得你唔少，花園風向如果吹正，日日聞住你啲腸味，同埋烏蠅問題，烏蠅又可以吃大餐」、「上次我曬臘肉，俾人插到我呢⋯⋯又話多烏蠅，又話臭，又話嚟到英國就唔好帶埋香港啲壞習慣過嚟影衰香港人～～真無語⋯⋯」，樓主則回應指↓↓↓↓
樓主：「自己花園內唔會有人見到，除非……突登入嚟睇囉」
樓主：「呢個天氣係唔見有烏蠅㗎喎」
樓主：「而家真係唔見有烏蠅喎！所以我係呢個時候先晾臘腸」
移英港媽自家曬臘腸逐張睇↓↓↓↓＋ 網民虛心學習↓↓↓↓
樓主教浸玫瑰露
由於樓主透露製作臘腸時「用埋自己浸嘅玫瑰露嚟醃肉」，網民於是請教「自己點浸玫瑰露？呢度（英國）啲玫瑰露好貴～～」、「請問玫瑰露點樣浸？」，獲樓主教路指「超簡單：伏特加750ml、冰糖30g、玫瑰花30g，浸三星期就用得」。
移英港媽自家曬臘腸逐張睇↓↓↓↓＋ 網民虛心學習↓↓↓↓
上載完整食譜教路
有人打蛇隨棍上，救教整臘腸方法——「嘩，好正！可否提供整臘腸方法？謝謝！」，獲樓主大方上載食譜並回應：「唔嫌我手字樣衰嘅當然無問題啦」，並指，根據食譜，可大約做到7至8條臘腸。
移英港人相關新聞：
移英港人舊同事聚會 因一鍋煲仔飯 揭一校8老師移民校長都走埋......
移民潮小結？ 網民盤點抵英後首份工最多人回應：XX
港星級髮型師爆移英辛酸 低薪剪髮被人用尺逐吋度 揭英女頭髮藏一大黑暗面
40歲港男徵大埔人做「移英伴侶」惹議 網民：另類徵婚告示
移英港人批3鎊「英國版兩餸飯」高脂高糖 劣食過兩餸飯
港媽移英2年半苦況大哭訴 難處逐樣數狂飆淚：「越了解呢到 越唔鍾意！」
移英港童大爆港人英國校園被欺凌：「我每日返學帶𠝹刀自衛！」想生存只能靠...
移英一年半花光父親給600萬 連登仔呻陷「無盡地獄」
移英KOL當街被鬧「病毒」 自覺如二等公民
冬天天氣差異大食物選擇少 移英港人：要接受好多事非想像美好
賣樓移英半年難適應新環境 港人欲回流陷兩難惹議
晾曬相關新聞：
皇后山窗前萬國旗臘味陣 網民憶苦思甜：窮人自己曬富人上環買
晾衣架曬臘肉鹹香陣陣 網民狂轟自私：豬油滴到成牆都係
石硤尾曬「有漬」底褲同一位置被臘肉搶佔 網民：「一山不能藏二虎」
石硤尾街坊路邊曬「有漬」底褲 網民嘲「張相有陣味」
衛生巾黏大興邨窗外搖盪 網民驚訝：平衡力很棒
底褲胸圍一抽二褦 網民：「接龍晾衣」直落掛唔會遮住隻窗
樓上衣物「尾巴」有礙觀瞻 戶主「衣夾傳書」網民湧出獻計
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
