屯門華都商場簡約聖誕裝置暗藏「洋蔥」 網民激讚暖心手作｜Juicy叮
發佈時間：08:12 2023-12-24
屯門華都商場去年的聖誕節馬槽聖嬰裝置成為一時熱話，場內今年的裝置再次引起網民關注。據街坊透露，場內大時大節的重點裝飾均由一位伯伯加入環保元素用心親手製作。手作裝置充滿溫度，那份認真叫人動容，溫馨得來散發著感人的「洋蔥」味。根據網上圖片及網民評語，最新的馬槽裝置更勝去年。
樓主日前以「其實係幾靚㗎......遠遠在馬槽裏......小小的主耶穌，睡覺很安康」為題，在facebook專頁「真.屯門友」上載華都商場今年的聖誕裝置，當中除了聖嬰外，還別出心裁地以不同顏色的鋁罐砌成聖誕樹。
屯門華都商場手作聖誕裝置逐張睇↓↓↓↓＋ 網民致敬回應↓↓↓↓
網民：好溫馨 有意思過公仔裝飾
華都商場位於屯門市廣場附近。網民大讚今年的裝置「好仔細」、「好溫馨」、「好靚㗎」，認為充滿溫度的手作裝置「有意思過公仔聖誕裝飾」，並順道點名稱讚——「叔叔真係好好心機」、「有心，唔行貨」、「整得好有心機」、「帶出聖誕節嘅由來，叔叔好有heart（心）」、「簡潔而又能明確帶出主題，仲要用環保物料去做，讚！」、「非商業化的裝飾佈置，好有heart（心），讚」。
屯門華都商場手作聖誕裝置逐張睇↓↓↓↓＋ 網民致敬回應↓↓↓↓
網民：伯伯埋頭苦幹用心手作
雖然有人認為裝置「今年縮咗水」，但也有人指「今年精緻咗好多，好多detail（細節）位做得好足」、「我覺得今年整得仲仔細咗同靚咗呀」，並高度讚揚——「一直都好欣賞華都嘅節日裝飾 ，見到咁大嘅裝飾都諗到用埋環保物料。後來得知係位伯伯埋頭苦幹咁用心親手做，每次都特顯出節日嘅重點，比起只有卡通公仔打扮下嘅更有節日氣氛」。
屯門華都商場手作聖誕裝置逐張睇↓↓↓↓＋ 網民致敬回應↓↓↓↓
網民：聖誕老人非聖誕節主角
網民並有感而發指「唔知大家有無留意，其實好似去年開始，好多聖誕卡一係卡通公仔，一係聖誕老人，已經無咗十字架同馬槽的款式......好似在灌輸下一代一個錯誤觀念：聖誕節的主角就是聖誕老人......」。
有人現實地直接回應「聖誕節嘅主角對下一代嚟講，從來都係份禮物同埋長假」，也有網民堅持「聖誕節是紀念耶穌降生。所以好多謝伯伯年年都有呢個訊息俾我地」、「幸好細個讀天主教小學中學，對聖誕節嘅起源有一定嘅認識，感恩感恩」。
屯門華都商場去年聖誕裝置紅爆網↓↓↓↓
去年，有網民在facebook專頁「真.屯門友」內發文，指華都商場的聖誕馬槽裝置只有聖嬰但聖母及馬，有人更笑指場景有點似「棄嬰」。根據上載的相片所見，有關裝置吊於扶手電梯大堂中央位置，聖嬰放於箱內，旁邊有棵只有數盞燈，並無特別裝飾的聖誕樹。
據街坊當時爆料，華都商場每年的聖誕裝置均由一位伯伯精心親手製作，認為應以欣賞角度去看，「以前我都覺得好好笑，直到有年見到個伯伯喺停車場度好用心慢慢咁整，從此我就由笑變到學會欣賞……我唔肯定佢係管理員定邊個，但都一把年紀好用心，自此我真心欣賞呢啲作品背嘅努力」。
街坊補充，伯伯製作裝置的出發點應是想大家見到時開心，「老實講，商場呢啲佈置買返嚟擺有幾難，而家難得仲有人肯用心去自製，雖然未必係大眾覺得靚嘅嘢，不過嗰份心思係值得尊重」。而今年初提及商場的兔年賀年裝置時，有網民爆料指裝置由商場的保安員義務製作。
回顧屯門華都商場裝置↓↓↓↓
相關新聞：
震撼屯門牛｜華都商場聖誕裝置出爐 馬槽內得聖嬰無聖母 網民揭製作人身份
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
