慈雲山16隻動物乾晾窗外 幼長尖尾巴吊吊揈 嚇呆網民：曬老鼠乾？｜Juicy叮
發佈時間：08:10 2024-01-06 HKT
慈雲山一屋邨窗外的晾衣架上，吊吊揈晾曬著至少16隻懷疑動物乾，中央最大一隻還連著一條幼幼長長的尾巴，成為顯眼包。就憑這條尖尾巴便嚇呆街坊與網民，驚呼「真係老鼠？曬乾食？？」。
樓主早前在facebook專頁「慈雲山資訊交流」以「喺屋企曬鼠特別香......」為題上載由「 屋企望上去見到」、「睇見都驚」的照片。
慈雲山屋邨窗外疑曬鼠乾逐張睇↓↓↓↓＋ 網民目瞪口呆回應↓↓↓↓
被鋪與懷疑鼠乾同曬
相中目測至少有16隻懷疑鼠乾，以紅色尼龍繩穿著，再細心地逐一綁在窗外晾衣架的最外圍，旁邊則晾有疑似枕頭，後邊曬被，形成一架晾3物格局。回應的網民心驚驚地估計，可能是「戰利品」、「屋主示威：闖入我屋企嘅後果」，並直言「咁Ｘ恐怖嘅」；有人懷疑是「野味」，有人則「分唔出係老鼠定樹葉」。
慈雲山屋邨窗外疑曬鼠乾逐張睇↓↓↓↓＋ 網民目瞪口呆回應↓↓↓↓
網民：應該係田鼠 喺飯面蒸嚟食
有網民則憑記憶冷靜地指，「應該係田鼠，兒時回鄉見過，佢哋喺飯面蒸嚟食，嚇到我連啲飯都唔敢食」、「當年大飢荒（60年代）。田鼠救活很多人」、「屋主應該係上咗年紀的老一輩。別怪（他／她）。想當年我外婆窮到無飯開。都係整呢樣『美食』」，但有人直言「真係食唔落」。
而在其他轉載有關消息的facebook專頁，有網民笑問是「臘鼠肉？」，另有人提到「蛤蚧都有尾」。
同場加映：油塘屋邨滴油臘肉戶
提到晾晒物，油塘有屋邨出現滴油臘肉戶，無視樓下晾有衣物的自私行為遭網友連番怒轟。
樓主早前在facebook專頁「油塘人之家」上載證據，指「......好離譜！剛剛用白色膠袋鋪咗陣又攞起，住佢樓下嗰啲住戶就慘啦！啲汁滴晒落去！呢啲房署應該扣分啦！其實好唔好同房署投訴呢？呢啲人有冇常識同人性㗎！」
油塘屋邨滴油臘肉戶逐張睇↓↓↓↓＋ 網民嬲爆回應↓↓↓↓
回應的網民投訴之聲此起彼落，指「投訴，直接用E-mail去寫字樓Send埋相」、「梗係要投訴啦，呢啲人咪自私囉」、「呢啲要樓下住戶投訴先得」、「支持投訴，毫無公德心」、「如果我係你，出完此帖立即投訴！」。
網民：呢啲鄰居超困擾
網民充滿同理心地指「有呢啲鄰居真係超困擾」、「最離譜就係嗰啲醬汁，漏晒落樓下嗰度，滴落樓下嗰啲衫，多得佢唔少」。
另有人爆料，指「鯉魚門邨都有呢啲自私鬼，一早晾衫出去就瀨晒嘢，即刻打去管理處叫佢地搞搞佢，晨早流流仲要趕返工，超無奈」。
晾曬相關新聞：
天水圍「嚴禁晾曬」鐵欄上曬逾40棵菜 場面壯觀 網民嘲：綠化城市
太子馬路旁晾曬菜乾 專家警告或沾4大有害物質
屋邨再現曬臘腸戶 逾120條掛窗邊驚變窗簾 網民眼凸凸：咁多條有咩需要？
晾衣架曬逾20條鹹魚臘肉 將軍澳街坊自爆曾拍門造訪 結果意想不到......
移英港媽花園曬臘腸：發夢都無諗過識整 網民好奇：陰濕天氣都曬到？
沙田街坊路邊曬魷魚 54隻蒼蠅排隊先食 網民喊驚：噴殺蟲水
皇后山窗前萬國旗臘味陣 網民憶苦思甜：窮人自己曬富人上環買
晾衣架曬臘肉鹹香陣陣 網民狂轟自私：豬油滴到成牆都係
石硤尾曬「有漬」底褲同一位置被臘肉搶佔 網民：「一山不能藏二虎」
石硤尾街坊路邊曬「有漬」底褲 網民嘲「張相有陣味」
衛生巾黏大興邨窗外搖盪 網民驚訝：平衡力很棒
底褲胸圍一抽二褦 網民：「接龍晾衣」直落掛唔會遮住隻窗
樓上衣物「尾巴」有礙觀瞻 戶主「衣夾傳書」網民湧出獻計
為乜開遮晾衫？ 網民逐層目測抽絲剝繭得出答案......
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
