派揮春黨闖西環街市索利是檔主使絕招擊退網民教路如何軟對抗......｜Juicy叮

時事熱話

更新時間：06:46 2024-02-03
發佈時間：06:46 2024-02-03

年近歲晚，街頭年味越來越濃。向錢看的「伸手黨」懷疑變身「派揮春黨」，闖入西環石塘咀街市試水溫，不過即被精明檔主使絕招擊退......；挑通眼眉的網民還教路施展軟對抗妙法。

派揮春黨闖石塘咀街市逐張睇↓↓↓↓＋網民發火回應↓↓↓↓

派揮春黨收$20起利是

樓主早前在facebook群組「西環變幻時」上載直擊相片，發現一名衣著光鮮笑騎騎的大媽，「攞住一疊揮春由石塘咀街市1樓逐個檔口派揮春，跟住叫人畀$20起嘅利是！」。

相中穿乾濕褸款的大媽束起馬尾，手持大疊揮春，帶同滿載物品脹卜卜的膠袋穿梭街市檔口；另一張相片見到大媽在一菜檔落手，男子正接過揮春。

派揮春黨闖石塘咀街市逐張睇↓↓↓↓＋網民發火回應↓↓↓↓

此情此景，網民不禁感嘆「嘩，又有騙徒！」，並時光倒流地想起「好似細個啲『財神』」、「『派財神』咁！」、「接『財神』？」、「失傳已久嘅『派財神』又返來呀？果然潮流興復古喎！」、「好似以前去『派財神』咁，逐家逐戶收錢」。

網民：呀姐收20元貪咗啲喎

有網民恍然大悟，稱「原來而家唔興『派財神』？興派揮春。」，有人笑指大媽「佢後生唔識啫！『派財神』成本仲低！」、「年初一接張『財神』先2蚊咋，阿姐貪咗啲喎」，還有人怒稱「以前𡃁仔就話畀零用錢佢過下年啫，大人大姐搞啲咁嘅嘢醜唔醜？」。

另有網民說出了「派財神」的潛規——「其實不嬲都有呢啲嘅，不過好少何會問人攞幾錢起嘅利是。通常都係攞張『財神』嘅紅紙show（展示）畀你睇，咁你接咪畀錢佢囉，你唔接揮揮手佢就走㗎喇，但係平時我都係見阿伯多，阿嬸就少見啲」。

派揮春黨闖石塘咀街市逐張睇↓↓↓↓＋網民發火回應↓↓↓↓

有網民也認為大媽的做法好比收陀地，「即係香港就每戶擺盆桔搵食嗰啲friend（朋友）」、「以前去拜山，有人用紅紙寫『大吉』，遞埋嚟，跟住用嚟收陀地」」、「好明顯收緊保護費啦」、「進步到桔都唔擺」、「以前都叫做有盆桔」、「黑社會收陀地咁款」。

樓主於是回應指：「係呀，不過冇盆桔咋嘛，同埋冇舞獅頭囉」，網民和應「佢（大媽）勁啲，唔使捧住盤桔周圍走，揮春成本低又輕便」。

派揮春黨闖石塘咀街市逐張睇↓↓↓↓＋網民發火回應↓↓↓↓

檔主使出鬧人絕招

最多人關心街市內「有冇人so佢？」。樓主直擊指，「起初啲檔主唔知接咗，跟住佢一攞錢就畀返佢鬧佢囉......」。對於檔主使出鬧人絕招，網民均大讚檔主「做得好」，因擔心「畀得一個，隨時每個鐘都有一個嚟」、「分分鐘由上環／西環尾開始排住隊嚟」。

網民教路如何軟對抗

因應大媽亂入，網民力斥對方「阻住晒做生意！一定要用掘頭掃把拍呢啲豬頭走啦！」。除了硬對抗把對方鬧走和掃走外，也有網民建議作出軟對抗——「封張紅紙畀佢，寫住『回頭是岸』！」、「揮春照收，講句多謝bye-bye（拜拜），想睇唔畀利是佢會點」。

另有人向大媽提出反建議「畀啲誠意啦！你話你喺街邊寫手靚書法做揮春都仲可能／或者／應該／有機會......叫值得」。更有網民緊貼時弊，在回應欄亮出「咁係因為你悲觀」揮春。

派揮春黨闖石塘咀街市逐張睇↓↓↓↓＋網民發火回應↓↓↓↓

網民亮出「咁係因為你悲觀」揮春

網上金句「咁係因為你悲觀，我睇到由治及興帶嚟嘅好處」近日極速爆紅成為熱門潮語，並出現大量meme圖，每當社會出現壞消息，就會有網民以此番話回應。

這句出自「連登」的潮語最早出現於去年（2023年）4月23日一則題為「而家社會氣氛沉滯到好似等緊大事發生咁」的帖文，網名「水原千鶴」（名稱取自漫畫《出租女友》女主角）的會員隨即回應道：「咁係因為你悲觀，我睇到由治及興帶嚟嘅好處」。帖文隨即引起其他會員熱烈討論，直至12月7日達到俗稱「爆post」的1,001個回應。

隨後，「水原千鶴」亦多次回應自己的言論，這金句亦跳出「連登」成為「萬能key」，甚至年度網絡金句。不論是政府政策變動、股市樓市向下、垃圾徵費準備實施、甚至快餐店加價、寒潮下天氣冷等，只要稍有壞消息出現、或有網民抱怨身邊大小事，都會有其他人以此番語帶諷刺的「金句」去回應。