部署應對垃圾徵費 親戚拒收賀年糖果？ 網民精明送禮清單竟包括呢樣嘢...... ｜Juicy叮
發佈時間：08:04 2024-02-09
垃圾徵費再押後至今年8月1日實施，一些政府部門大樓和住宅樓宇則先於4月1日起先行先試。市民對添加家居物品高度戒備，甚至預先揚聲請親友勿送賀年糖果。
有住家男早前在網上「香港討論區」以「親戚打嚟叫我哋唔好送新年賀禮」為題發帖，講述受垃圾徵費影響，親戚在親春期間收賀年糖果的實際看法，樓主並順道查詢網民：「有冇人啲親戚都係咁？」。
親戚拒收賀年糖果逐張睇↓↓↓↓
親戚拒收賀年糖果＋ 網民列5大送禮清單↓↓↓↓
網民大讚樓主親戚的溫馨提示，指「送禮都係希望對方開心，如果對方覺得困擾就唔好送了」、「我屋企都會叫親戚唔好送新年賀禮。無需要又肯早通知樓主係好事，避免浪費」、「其實幾好，不浪費」、「確係浪費，值得鼓勵！」、「我親戚都係咁話，大家不如都唔好送，反正都唔想食」、「年年拜年啲親戚都係咁講話使咩買嘢來呀」、「好似又真係有啲咁嘅情況，但啲親戚暫時冇講，買啲好細好細嘅唔要大啦」。
有人則揣摩對方心意，稱「佢意思即係叫你封利是好過～」、「可能佢哋都唔想送，所以叫你唔好送」。集思廣益，網民於是提出5款向親友聊表寸心的送禮方法，當中有人創新地建議送上垃圾徵費計畫下的指定膠袋↓↓↓↓
親戚拒收賀年糖果＋ 網民積極配合↓↓↓↓
另有網民認為送禮劵最實際，指「起碼現金券可以買乜都得，唔似朱古力糖果等，收禮嘅人焗住要」、「最後消費都係一堆垃圾，如果有支付寶現金劵就好啲，可以北上消費」。
對於「送（指定）垃圾袋......」的建議，有網民揚言「送畀我都開心，要30L以上」、「賣得咁貴，係唔錯㗎」，並大力認同「而家梗係送指定袋啦。家家戶戶8月份起都需要用㗎 ，一定唔會浪費」。
還有人透露家族團拜習慣——「我哋初一搞團拜，嚟嘅親戚各買一樣賀禮，用嚟抽獎，然後一家抽一份走」、「係呀，家家有份，都係志在大家高興下」。這方法也獲網民認同，稱「好！每個家庭都有份，差唔多交換禮物？」、「幾好呀，大家有份，又有啲氣氛搞吓」。
垃圾徵費計畫下指定膠袋↓↓↓↓
垃圾徵費生效日改為8月1日
都市固體垃圾收費（垃圾徵費）原定今年（2024年）4月1日實施，政府於1月19日宣布再押後至今年8月1日。一些政府部門大樓和住宅樓宇會於4月1日起先行先試，透過真實操作作宣傳教育，同時亦有演練作用，預先理順磨合期或會出現的小問題，有助更順利推行垃圾收費。
垃圾徵費懶人包 睇清6大要點↓↓↓↓
指定垃圾袋及指定標籤 1月26日起發售
至於垃圾徵費下的指定垃圾袋及指定標籤則按原定計畫，如期於1月26日起發售。可按以下連結了解各零售點位置及開售日期：https://bit.ly/4bfcvRh
港府提醒，市民到貼有環保署標誌的獲授權商戶購買，就能確保不會購入冒牌指定垃圾袋，當局亦必定會打擊和執法，並加強監察售賣「假」袋行為。
垃圾徵費指定袋和指定標籤↓↓↓↓
垃圾徵費相關新聞：
垃圾徵費｜延至8.1實施 政府4.1先行「實地展示」 謝展寰：暑假推是最好時機
垃圾徵費｜OK便利店、Foodpanda及實惠1.26起「一袋兩用」（即睇指定袋邊到有得賣）
都市固體廢物收費詳情可瀏覽官方網頁：
https://www.mswcharging.gov.hk/tc/
農曆新年相關新聞：
親戚飯局唔想奉旨找數 改行AA制有阻力？ 網民講解聚會埋單潛規則
豪擲5000元禮聘母親大掃除 網民聲討「孝順仔」：阿媽唔係工人
8粒發財蒜頭盛惠68大元 網民𢲷頭：等佢發芽當水仙咁擺？
派揮春黨闖西環街市索利是 檔主使絕招擊退 網民教路如何軟對抗......
拜年首次見未來奶奶 港女跪求送禮攻略 網民機警：要問清楚一件事......｜
保安員新春大豐收利是一字排開拆到手軟
港女送逾2000元禮物拜年 男友媽諷：個心意真係幾小喎
拜年遇「密碼春聯」網民齊解密 有人晒「呢款」竟無人想見
8歲表弟拜年擅入房偷利是 港女踢爆感驚訝
的哥新春化身「財神」開工 車廂內金光閃閃勁有氣氛
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
