M字額港男豪花X萬元上深圳植髮 手術長達6小時 兩月後最新情況係咁......｜Juicy叮
發佈時間：11:02 2024-03-10
三千煩惱絲，剪不斷理還亂，有又煩，無又煩。有自嘲「M角上到頭頂」的M字額港男，為免後悔趁「仲有少少青春」決定植髮，北上接受長達6小時的手術拯救煩惱絲。
坐言起行的M字額港男，去年12月底到深圳豪花6萬元人民幣希望植回帥氣，並把植髮期間的情況上載至網上「香港討論區」，同時提供植髮心得，和回應不少有意植髮的同路人提問。
M字額港男：M到唔想照鏡
樓主坦言「我個M角已經上到頭頂了， M到自己都唔想喺塊鏡睇到自己」，於是去年底的起心肝去深圳植髮，並以「北上植髮分享」為題，圖文並茂為自己的無悔青春行動作全記錄，更在3月3日的留言中提到最新情況，指「現在手術後兩個月多些......」，樓主植髮詳情及最新情況見下圖↓↓↓↓
M字額港男植髮全記錄逐張睇↓↓↓↓
M字額港男分享成果
去年底植髮後，樓主上載手術第1天和第5天的情況，接著卻未有新相片跟進，到今年2月8日留言補充，「現在植髮後一個半月，應該係脫髮期， 又變返麥當勞叔叔（M字額）， 醫生話脫髮期係15日至3個月多啲，我keep（保持）住都有影相做紀錄，但未有成果，所以唔擺上網住，我都想快啲長頭髮，分享個結果畀你哋睇呢！」。
到3月3日，樓主留言透露，「我現在手術後兩個月多些， 還在脫髮期階段，兩邊M角開始有少少毛毛長出來，當有成果時，我會放相上來給大家分享呢！」。
M字額港男植髮全記錄 ＋ 細心回應網民提問↓↓↓↓
網民，尤其是備受脫髮問題困擾的網民，對樓主的植髮過程相當感興趣，大讚記錄詳細，祝願樓主一切順利之餘，也將滿腹疑問宣諸於口，查問一番，樓主也好人一一細心解答↓↓↓↓
M字額港男傳授手術後護理心得
樓主在回應網民提問時，提到手術後的傷口情況和護理心得——
•頭5日不可掂自來水和洗頭水，頭枕吸水紙最好問佢地攞多幾張備用，另外最好不要坐喺度瞓，好似平時咁瞓就可以，咁樣可以把你做手術時醫生打落去嘅液體流返出來。
•手術後當晚睡覺會有少量血水滲出，醫院會畀些吸水紙你，用來瞓覺用的。第二天返去覆診時，他會幫你洗頭清潔血漬，之後5日內最好不要洗頭濕水。
•頭兩三日我都有水腫情況出現， 可用冰包敷下水腫部位。另外我都有問過醫生， 佢嘅回答係：可以用熱毛巾熱敷一下水腫的部位，不要碰到種植區 ，熱敷15分鐘，一天3次，白天多喝點水，也可以煲冬瓜薏米湯喝，晚上少喝水，少低頭都可以緩解水腫的。
•前額嘅紅最少要大半個月先開始慢慢退，而且植後20日後開始脫髮期，這段期間會很尷尬......另外植後最好攞幾日假休息下......
皮膚相關新聞：
直擊辣妹忍痛洗紋身 網民身同感受胸口赤赤痛：何必呢
光顧美容院激光洗紋身 港女疑慘遭2級燒傷 網民教護理大法
胸口紋「發財」 網民直問：係咪飲醉咗？
黑衣男紋頭髮帶領新潮流？ 眼利網民認得佢係......
紋臂港女疑「真空」搭港鐵 乘客偷拍被狂轟
港女花3000元紋身疑感染HPV 紋身師拒退款
網傳女子巴士上幫人紋身 網民嘩然：唔好咁癲 好趕時間咩
躁底紋身師自稱藝術家脾氣 鬧爆問價客人
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
