的哥論盡客人大爆公屋客疏爽成咁！半山客就...... 網民嘆出6個字作總結｜Juicy叮

時事熱話

更新時間：06:51 2024-05-13
發佈時間：06:51 2024-05-13

的哥閱人無數，早前在facebook群組「的士司機資訊網 Taxi」論盡客人，爆出公屋客打的疏爽程度似乎遠勝半山客。網民看透世情，絲絲入扣地細意拆解箇中因由，並總結成老生常談的6個字......

的士司機論盡公屋、半山客逐張睇＋網民感受至深回應↓↓↓↓

的哥：公屋客豪搭的士

的哥樓主在「的士司機資訊網 Taxi」發文指「公屋客$27，十個有七八個$30免找、半山客$27，十個有九個都要找$3」；並在留言欄大爆遇上的豪氣公屋客：「馬鞍山公屋嗰班朝朝早搭舊幾水的士都排晒隊，私樓果班只係搭馬鐵」。

有駕駛新界的士行家附和樓主，稱「我綠的元朗千色（店）去青年綠洲（青年宿舍）$23.5（$40唔使找），鳳琴街去世宙（私樓）$23.5佢連5毫子都拎埋出來畀我」。另有行家吐槽半客山「佢知道差唔多要跳錶就嗌落車㗎啦，唔會俾個錶超過$27」。

的士司機論盡公屋、半山客逐張睇＋網民感受至深回應↓↓↓↓

網民分析公屋客、半山客理財觀念

於是有網民就此情況從理財觀念上作分析，指因為價值觀不同而出現反差↓↓↓↓

•「公屋人窮不志在那幾元，豪畀你哋，中半山個個計算過怎同呢」、

•「冇錯，啲窮人搵$1000使$800，有錢人搵$1000萬一日，唔會使$800萬......」、

•「就係因為看重錢，佢可以成為有錢人，嗰啲視$3如糞土嘅，繼續做窮人啦」、

也有人從客觀的租樓與供樓開支直言，「都係打工仔，住公屋個個月多萬幾兩萬使呀！」、「住公屋畀幾千蚊租，供樓就供2萬、3萬，邊有得講」，因此「講堅，公屋客真係幾豪爽」。

樓主亦回應指「香港係咁，消費力最高，係住公屋嗰班25-60歲嘅人」、「所以話住公屋啲人，仲豪Ｘ個你班所謂半山有錢人」，並有人重提「得公屋，得天下」，指「呢句嘢唔係流的」。

的士司機論盡公屋、半山客逐張睇＋網民感受至深回應↓↓↓↓

其他網民的分析如下：
•「有錢佬好講原則」、
•「咁樣理財，所以咪住公屋囉」、
•「你唔明？要你找返3蚊嚟供樓......」、
•「錢應駛得駛，所以人哋咪住半山囉」、
•「正常丫，慳先會有錢剩，唔通洗腳唔抹腳好咩」、
•「人哋住有錢地方就係將錢使喺值得嘅地方，識得理財先有今日」、
•「所以人哋咪住半山囉！錢係1蚊1蚊慳返嚟！有錢人點會益我哋一個素未謀面嘅的士司機啊」、
•「現實證明公屋客係因為大使，所以儲唔到錢買樓；半山客就靠慳慳埋埋先至買到半山區豪宅呀」、
•「......有錢人嘅錢，除咗係賺返嚟，好多都係慳返嚟，先至有本錢，積蓄唔多嘅人，永遠都係因為唔會計住所有開支喺其他地方用多咗，要到用嘅時候冇足夠嘅本金」。

不過，有旁者清，提出「有無諗過公屋客係claim公司（開工數），費事收你嗰污糟邋遢嘅$3？」。

的士司機論盡公屋、半山客逐張睇＋網民感受至深回應↓↓↓↓

網民談及同理心

說過理財觀念，有網民從同理心去看事件，指↓↓↓↓

•「窮人怕被其他人睇唔起，尤其同基層」、
•「富人同冇關係價值嘅人一切按合約交易。唔排除第一點嘅可能性，但也有人是體恤司機勞苦而畀貼士嘅」、
•「重點是……他們不知民間疾苦，一般都比較離地，我相信若果他們知道業界這苦況，他們也不介意付齊頭數」、
•「有錢嘅人只會剝削我哋依啲窮人，只有窮人先有同理心，所以窮人通常都畀貼士啲窮人，曾經窮過嘅都會」。