茶餐廳拒收披口廿蚊紙食客嬲嬲爛銀紙究竟用唔用得？金管局咁講......｜Juicy叮

更新時間：06:51 2024-05-17
發佈時間：06:51 2024-05-17

爛銀紙都係錢？有茶餐廳顧客大呻，被收銀員拒收一張紙邊遭撕開的20元紙幣。網民聚焦廿蚊紙的損毀情況後意見兩極，有人力撐樓主，有人站於收銀員一邊。就遇上鈔票被塗污或損毀情況，金管局有官方的一錘定音說法，也教落市民應該如何處理......

茶餐廳拒收披口廿紙逐張睇 ↓↓↓↓

聲稱「在銀行工作40年，甚麼殘鈔都見過」的樓主，早前在facebook群組「黃大仙區友(黃大仙，新蒲崗，鑽石山，慈雲山......)」發文，不滿旺角通菜街一間茶餐廳的收銀員拒收其披口廿紙↓↓↓↓

撐樓主網民：用放大鏡睇㗎

從樓主上載的肇事滙豐銀行廿蚊紙相片見到，披口位置在右上角對落直排鈔票號碼旁。鑑於損毀情況不太嚴重，站樓主一方的網民認為「只係輕微撕爛咗......就唔收，都有啲過份，好多找續都係左手嚟右手去啦～」、「嘩，佢用放大鏡睇㗎！？」、「隻角果少少，多舊魚」。

茶餐廳拒收披口廿紙逐張睇＋網民意見兩極回應↓↓↓↓

撐收銀員網民：下一個客一樣唔想要

撐收銀員的網民則指「損壞咗嘅貨幣店家有權拒收」、「人哋唔收咪唔收，個重點係你收咗，就要諗下點使」、「你去返銀行換，無理由攪個收銀，下一個客一樣唔想要」。有網民則分析，其實「樓主最主要分享嘅係收銀員態度，唔收咪唔收，大家都客氣啲，咁就唔使咁激氣」。

茶餐廳拒收披口廿紙逐張睇＋網民撐收銀員回應↓↓↓↓

網民講句公道話↓↓↓↓

•呢張好小事，唔收又過份咗。但如果係啲好樣衰嘅，入數時銀行會唔收，又要員工自己去返滙豐換，所以最好大家收錢時睇清楚唔好煩。利申：自己都係做收錢工作，我見到啲樣衰／花晒／無咗一忽嘅一定唔收；

•我覺得佢就緊手咗啲嘅，因為只係爛咗好少，你可以喺其他地方用，如果間間都唔收，咁你攞返去滙豐，佢一定會換畀你，或者攞去入返落自己戶口，好易解決到；

茶餐廳拒收披口廿紙逐張睇＋網民講公道話回應↓↓↓↓

•裂開咗，人哋唔收都好正常啫，我試過拎去銀行換，不過對番工嘅人嚟講好麻煩，都係側側膊用咗佢算；

•你收錢嘅時候你都唔會想收一張爛嘅銀紙，咁呢個店家係咪一直要keep（留）住呢張銀紙？其實我哋正常市民，如果發現銀紙破損係可以去銀行換返；

•兩邊都誇大咗：1）收銀咁少損爛可照收入銀行；2）樓主如果成身得廿蚊都去茶記，諗下用完廿蚊之後點算啦。我成日用入錢機，經常都有幾張唔收的，排櫃枱囉，時間等於金錢，明白啦；

•張錢爛咗店家當然可以拒收，如果人哋找張錢畀你係爛嘅，你都可以叫佢換過張。但如果張錢不幸地已經喺你手上，你就去銀行換咗佢啦。

樓主自爆在銀行工作40年

於是有人將心比己地問樓主：「我個人嚟講，都唔會收。調轉樓主你會收嗎？」

樓主現身回應指：「我會，因為號碼齊全，紙質無損。我在銀行工作40年，甚麼殘鈔都見過，我覺得收銀嘅有自己角度，但其實任何人仍然可以用呢張鈔票......」。

鈔票損毀點算好金管局咁講↓↓↓↓

在回應欄上，不少網民給樓主教路，指銀紙破損可以到銀行更換。就遇上鈔票被塗污或損毀情況，金管局教落市民應該咁做↓↓↓↓

在金管局facbook，局方曾以「爛銀紙都係錢？」為題發帖，指出「如果銀紙崩咗角、污漕咗，有輕微破損係可以繼續用，但最好拎返發鈔銀行，當銀行驗證咗係真鈔、損毀面積冇超過四分一、防偽特徵完整，一般都會換返錢畀市民嘅」。而在金管局網站的「常見問題——紙幣和硬幣」部分，官方就這問題作解釋——「被塗污或破損的鈔票能否被銀行接受及兌回鈔票原值？」，指：

「一般而言，紙幣上如有塗污或損毀情況，可能會出現其他市民或商戶不願接納的情況，所以鈔票持有人應盡量保持鈔票完好，以保障自身利益。

如遇到塗污或損毀情況，市民可向有關發鈔銀行要求兌換。發鈔銀行會根據既定的準則來驗證真鈔，例如塗污或損毀程度、防偽特徵是否完整，決定可否兌回原值，由於每張鈔票的塗污或損毀情況會有不同，銀行會個別考慮」。

金管局並在網頁的「紙幣冷知識」欄目下，設生動的情景題解畫：

阿四：小森，頭先食飯每人夾88蚊，你仲未畀返我！

小森：你睇下啦，我銀包得返一張「紅衫魚」，上面仲崩咗一個角，唔畀得你。

阿四：銀紙爛咗都係錢，點解唔畀得我？

小森：你有所不知，損壞咗嘅紙幣係有可能唔被接受做法定貨幣㗎。

阿四：如果唔覺意收到張霉霉爛爛嘅銀紙，咁點算好？

小森：崩咗角、污漕咗嘅銀紙仍然用得㗎，但如果你覺得唔順眼，最好都係拎返發鈔銀行回收。一般嚟講，銀行會驗證張銀紙係咪真鈔、損毀面積有冇超過1/4、防偽特徵係咪完整，無以上問題就可以兌返錢。

同場加映（一）：

20元真鈔防偽特徵｜點擊即睇↓↓↓↓

同場加映（二）：

警方偽鈔專家教「肉眼」、「觸覺」咁分真銀紙：↓↓↓↓

同場加映（三）：

警方教「辨鈔四式」即睇即知以防中招↓↓↓↓

行使偽鈔可判監禁14年

警方表示，如收到偽鈔，應立即交給警方或銀行處理，切勿試圖再次使用，否則有可能干犯香港法例第200章《刑事罪行條例》第99條的「行使偽製紙幣」罪行。

根據香港法例第200章《刑事罪行條例》第99條的「行使偽製紙幣及硬幣」罪行：

(1)任何人 ——
(a)知道或相信任何屬流通紙幣或受保護硬幣的偽製品的物品是上述偽製品，而將該物品作為真的流通紙幣或真的受保護硬幣行使或付給；或
(b)知道或相信任何屬上述偽製品的物品是上述偽製品，而將該物品交付另一人，意圖由該另一人或其他人將該物品作為真的流通紙幣或真的受保護硬幣行使或付給，
即屬犯罪，一經循公訴程序定罪，可處監禁14年。
(2)任何人知道或相信任何屬流通紙幣或受保護硬幣的偽製品的物品是上述偽製品，而在無合法權限或辯解下將該物品交付他人，則該名首述的人即屬犯罪，一經循公訴程序定罪，可處監禁3年。