港鐵深水埗站電梯夾著老鼠尾 盤點路人反應 有人居然咁樣做......｜Juicy叮
發佈時間：07:33 2024-06-21
過街老鼠橫行。網上流傳一段短片，見到一隻老鼠早前懷疑誤闖港鐵深水埗站，長長尾巴慘遭扶手電梯夾個正著，在電梯頂部幾經掙扎也無法脫困，更一度被衝力撞至彈起捲入電梯邊，情況驚險。
「奇景」當前，電梯上大部分路人都小心翼翼地走過，但有人卻懷疑不小心地把老鼠當波踢，傷上加傷。
港鐵扶手電梯夾著老鼠尾逐格睇 ＋ 網民心有戚戚焉回應↓↓↓↓
點會走咗嚟呢度？
短片於6月8日中午過後，以「隻米奇好似夾住咗喺扶手電梯」為題，被上載至facebook群組「屯門友」。片中聽到有人指「夾住條尾走唔甩」、「哈，點會走咗嚟呢度嘅？」。
由於見到電梯旁的綠色紙皮石，網民認出現場為港鐵深水埗站。在長約22秒的短片中，一共見到13名路人經過，盤點各人反應如下↓↓↓↓
有人批評「見鼠不救」
港鐵回應《星島頭條》查詢時表示，根據紀錄，6月7日大約下午1時05分，深水埗站職員收到乘客通知，指在連接大堂至A出口的上行扶手電梯見到一隻老鼠，職員隨即作出處理，並安排清潔人員於該範圍即時進行清潔及消毒。相關扶手電梯於大約下午1時18分恢復運作。
在短片中見到的13名路人均表現冷靜，大部分急步繞過老鼠，其中一人懷疑踢到老鼠，另一人的鞋底疑擦過老鼠背。短片隨即引起網民關注，有人批評「見鼠不救」，怒問「影相嘅人點解唔救佢，停電梯，在那個站？」、「等人講：拍攝者不救」、「點解咁樣影都唔找職員暫停個扶手電梯呢？」。
港鐵扶手電梯夾著老鼠尾逐格睇 ＋ 網民心有戚戚焉回應↓↓↓↓
網民憂夾到異物炒梯
有網民於是打圓場地指，「停電梯會令人仆倒」、「其實未必係人哋唔想救，而係有咁多人好難立即停電梯，因為如果有人冇捉扶手跌倒，甚至跌落去會更麻煩，所以需要先封閉入口，等上咗電梯嘅人走完，先有辦法停電梯，唔係到時又係畀人話……」。
另有人從電梯安全角度去看，提醒「夾到異物，電梯會壞，人命尤關」、「 唔係講笑，一直攝住會有機會撞爛梯級」、「好容易炒電梯，應該停咗佢安全啲」。於是有網民建議一旦發生同樣情況時，「如唔緊急嘅，跑返落去攔人，清晒人再按掣煞停，再叫職員處理，或直接叫職員處理；緊急嘅，向下大叫要煞停扶手梯叫人捉實扶手再拍掣」。
港鐵扶手電梯夾著老鼠尾逐格睇 ＋ 網民心有戚戚焉回應↓↓↓↓
網民：一定好痛 老鼠都係生命
事件同時激起網民的同情心，指「老鼠也有生命，應煞停扶手電梯，告知職員處理」、「陰功。夾住條尾，要搵職員幫手囉」，於是有網民在6月8日下午報告最新情況，稱「打去了解，是3日前的事了，我剛已call站職員再望望有無老鼠，是深水埗站」。
還有人心有戚戚焉地指，老鼠「一定好痛」、「雖然老鼠好乞人憎，但都係生命」、「老鼠係唔應該救，但唔係畀佢死得咁辛苦囉」、「雖然我唔鍾意佢，但見到佢咁好不安」、「好可憐的老鼠」、「條尾夾住咗…」、「夾住咗條尾」、「似乎卡住條尾，所以走唔到」、「好慘」。
港鐵扶手電梯夾著老鼠尾逐格睇 ＋ 網民心有戚戚焉回應↓↓↓↓
網民：港人見到老鼠幾淡定
另有網民從短片中觀察路人的反應，指「啲人唔驚嘅」、「估唔到香港人都見到老鼠幾淡定」、「影片證明香港人不怕老鼠，還是唔睇路行，咁大隻米米都冇咩人見到」。
有人更加痛心地問「點解啲人仲要踢佢？」，回應的人則稱「嗰啲人根本就睇唔到嗰隻係老鼠」、「應該有啲人係掛住望電話冇留意地下有嘢」、「 個個一路行一路玩電話！有金都唔識執啦！」。
港鐵扶手電梯夾著老鼠尾逐格睇 ＋ 網民心有戚戚焉回應↓↓↓↓
老鼠相關新聞：
慈雲山16隻動物乾晾窗外 幼長尖尾巴吊吊揈 嚇呆網民：曬老鼠乾？
大隻肥老鼠筲箕灣過馬路 網民睇到眼凸凸：正一過街老鼠
十級驚嚇！美孚菜檔驚見十多隻老鼠BB 未開眼仲手郁郁
小貓跳上老鼠膠全身遭殃 水洗都唔清 網民痛心：陰公豬
太古城群鼠出沒部分體型如貓街坊狂呻：畀咁多管理費
過海巴驚見肥鼠捉緊窗外鐵通爬行網民：狂野鼠速
屯門屋邨驚現瘋狂「老鼠膠」陣 網民：多到人都捉到
羅麥記樓面靚姐掃把大戰肥老鼠 網民肉緊：好犀利
老鼠膠變飛毯 荃灣菜館活老鼠從天降
網民自製「萬箭穿心」滅鼠神器驚人實測結果曝光
老鼠膠上見真情｜8鼠一網成擒鼠大哥見義勇為同陷險境網民心酸
叼老鼠欺凌鏟屎官 心機貓主子適時撲出「英雄救美」
大媽街頭「老鼠」當波踢 掃把腳攔截 七旋斬踢飛
食肆侍應徒手活捉巨鼠 後續更嚇人 竟拎入廚房引食客起哄
便利店現鼠蹤女子一腳踩實瘋狂尖叫12秒 驚動英雄入內救美
----
緊貼最新最快新聞資訊，請立即下載星島頭條App：https://bit.ly/3Q29Vow
