男子港鐵車廂大嗌嚇壞乘客幾十人砰砰聲湧車尾逃命目擊者憶述驚險一刻｜Juicy叮

更新時間：08:05 2024-07-11
發佈時間：08:05 2024-07-11

網上近日流傳多張港鐵車廂地上散落雜物，一片狼藉的相片，熱心的目擊者報料還原事件，形容情況「非常恐怖」。網民看過事情由一名男乘客突然大叫而起，其他乘客受驚湧向車尾等相關情節後，驚覺原來6月29日下午3時許，本港曾發生嚇人的港版《屍殺列車》情節 ——

「有個男人突然起身大叫......之後成班乘客爭相走避，混亂中班人啲物件跌晒落地！」、「忽然聽到砰砰聲勁多人跑嚟（車尾）嘅聲，好震撼」、「有人嗌、有小朋友喊、有人跌低」......。從地上的雜物分布情況可以想像到事發時相當混亂，而港鐵回應《星島頭條》查詢時披露了更多細節，詳情見下文↓↓↓↓

港鐵車廂一片狼藉逐張睇＋網民嚇壞回應↓↓↓↓

事發於6月29日

樓主早前一口氣在facebook群組「香港突發事故報料區」上載4張事發後在車廂內拍攝，地上散落雜物的相片，查問「今天（6月29日）大約3:15pm由金鐘去尖沙咀途中，有冇人知到底發生了甚麼事？」。

港鐵車廂一片狼藉逐張睇＋網民嚇壞回應↓↓↓↓

樓主：幾十人衝向車尾非常恐怖

樓主在留言中提到，當時「幾十人衝向車尾，過程中好多人嘅私人物品都散遍地上」，形容情況「非常恐怖！」。

相中見到散落車廂地上的雜物包括隨身袋、背囊、鋁罐、樽裝水、兩頂帽、雨傘、充電線、酒精搓手液、紙巾、太陽眼鏡、爛鞋盒、收據、傳單、疑似食物碎，和4隻鞋等，當中包括3隻不同款的波鞋和一隻人字拖。

港鐵車廂一片狼藉逐張睇＋網民嚇壞回應↓↓↓↓

網民追問發生何事？

好奇的網民也追問「究竟咩事求講下」、「有無好心人講下咩事」、「又做乜呵攪混亂」。有人則看圖猜測「似有打架跡象」、「打架，打完散水嘅情景」、「整到成車都係垃圾，鞋盒都可以整爛成咁，犀利」；甚至有網民以為「有人派錢」。

目擊者甲爆料：一瞬間有人嗌有人跌低

知情的網民（目擊者甲）留言指「我都是衝去車尾其中一個」，透露事情關鍵↓↓↓↓

目擊者甲：當時「有個傻佬在車廂大嗌，其他人擔心隨機傷人，為了逃命向車尾狂奔」，並稱事情發生在「一瞬間，當時跟人潮向車尾走，有人嗌、有小朋友喊、有人跌低」。

樓主恍然大悟，回應「原來係咁！過程真係好恐怖！」。被網民問及對方有無架生時，目擊者甲稱「當時嘅情況人流好似《屍殺列車》咁，已經睇唔清楚遠方情況」。

目擊者乙爆料——遊客遺一地雜物

另一略為知情的網民（目擊者乙）留言「（地上雜物物主）果班大陸遊客嚟」，並想知道事件詳情，問「有冇人知頭先係發生咩事？點解啲乘客咁慌張？係見到鬼定係咩吖？」↓↓↓↓

目擊者丙爆料——大家衝嚟車尾

有事發時在車尾的網民（目擊者丙）爆料「我都喺呢班車車尾度，架車開咗冇耐忽然大家就衝嚟，勁恐怖，到落車都唔知發生咩事究竟啲人跑咩，不過總之冇事就好了」↓↓↓↓

目擊者丙憶述「當時情況好混亂，啲人跑得好快，我喺車尾忽然聽到砰砰聲勁多人跑嚟嘅聲，好震撼」，並感慨當時「最慘係唔知咩事，我有諗斬人／放火，然後金鐘去尖沙咀比較長成2分幾3分鐘，大家迫晒最尾個幾格（迫過平日返工peak hour繁忙時間），其實個感覺真係好恐怖，只想快啲到站」，「冇事之後我老公話可能有人玩嘢帶頭跑」。

目擊者丁爆料——男人突然起身大叫

接著留言的另一網民（目擊者丁）把事情說得更詳細，並對日後萬一再遇上相關情況作出忠告↓↓↓↓

目擊者丁：「我當時喺現場，事緣當金鐘站到尖沙咀站行車中，車廂都非常多人，個男人突然起身大叫，揸住個電話，情緒失控，佢有兩個黑色大袋，相信佢做速遞員！之後成班乘客爭相走避，混亂中班人啲物件跌晒落地！個男人失控自己按掣通知車長，我喺佢附近叫佢冷靜啲，佢手上冇危險嘅嘢，我再通知車長，到尖沙咀站已經有港鐵職員上前去了解，我都落車了！」

目擊者丁還指，「好彩佢手上冇危險嘅嘢，畀佢冷靜返，應該冇事！佢只係控制唔到自己情緒，見佢自己咬自己隻手」，坦言以「當時情況，係人都走！因為唔知發生咩事！」。目擊者丁並根據這次經驗作出忠告「希望大家遇到突發事件，都冷靜啲，唔好爭先走避，人踩人就麻煩了」。