「鎅褲黨」西灣河出沒 港男屁股開花 網民細數賊人6大落手熱點|Juicy叮
發佈時間:07:45 2024-07-25
![「鎅褲黨」西灣河出沒 港男屁股開花 網民細數賊人6大落手熱點](https://image.hkhl.hk/f/1024p0/0x0/100/none/5d2864153d553f86e87c05dfc58522f7/2024-07/20240720_NEWS_CUTTER_SV1.png)
肆虐一時的「鎅褲黨」重出江湖,有市民早前在西灣河太安樓附近懷疑慘遭毒手,屁股開花,破開的牛仔褲尾袋長長刀痕清晰可見,幸有一堅韌物品阻隔,免卻一場無妄的血光之災。
精明又好心地的網民除提供絕妙的防鎅方法外,還細數城中6大鎅褲或小偷出沒熱點——
鎅褲黨出沒逐張睇 + 網民機警回應↓↓↓↓
樓主早前在facebook群組「筲箕灣西灣河關注組」上載屁股開花相片,留言「今日(7月12日)大約下午食飯時間,我喺西灣河太安樓附近食飯,點知畀小偷鎅爛咗條褲企圖想偷嘢,大家要真係好好保管財物」。
樓主及後另行上載擋刀功臣——完好無缺的環保袋相片,估計「可能個小偷唔鍾意大笨象公仔環保袋」,並透露「呢個大笨象環保袋之前掟彩虹用7張飛嚟換的,記得仲有士多啤梨、蘋果、橙的圖案」。
鎅褲黨出沒逐張睇 + 網民機警回應↓↓↓↓
網民怒斥:鎅褲咁狼死
鎅褲帖文一出,網民寄予無限同情,指「鎅褲咁狼死」,有人則坦言「開頭以為你條褲本身爛咗」、「我第一眼以為係內褲花紋……」。
痛惜愛褲壯烈犠牲的樓主在回應網民時表示,「想了很久,真係想唔起(賊人何時落手)」。有網民指「我都畀人鎅過,但係得一條鎅痕,佢似磨咗你(樓主條牛仔褲)好耐喎」、「環保袋都唔放過,真係無賊性。(佢肯定以為係銀包、鎅鎅下發覺唔對路、X咗一聲同好嬲之下、就鎅多幾下先走」。
鎅褲黨出沒逐張睇 + 網民機警回應↓↓↓↓
樓主feel唔到賊人落刀
樓主根據刀痕估計,「應該用好利刀片鎅咗好多下,連我都feel(感覺)唔到」、「我完全feel唔到畀人鎅,我之後先發現畀人鎅褲袋」,並表示「(如果)feel到就點咗佢相」。
樓主接著無奈地稱,「如果佢連環保袋都偷,我寧願送畀佢,都唔好鎅爛咗我條褲」,並表示「靠環保袋堅係冇用,大家要條褲堅先(有)用,條褲貴過環保袋好多倍的」。
鎅褲黨出沒逐張睇 + 網民機警回應↓↓↓↓
擋刀功臣環保袋冇穿冇爛
網民於是安慰並建議補返個(褲)袋,「冇計......你唔介意少個褲袋用可以照著,最緊要保住個蘿柚」。怒氣未消的樓主卻稱「仲用返呢條褲?見返呢條褲都火滾la(啦)」,並感慨「真係估唔到光天化日之下有呢啲情況出現,條褲咁就壯烈犧牲咗」。
網民接著關心起擋刀功臣,指「個環保袋福大命大,好嘢嚟㗎!」。查問「佢別來無恙冇穿冇爛嗎? 」,獲樓主幽默回應「多謝你關心佢,佢身體好健康」。
鎅褲黨出沒逐張睇 + 網民機警回應↓↓↓↓
網民提供抗賊妙計
有網民縱觀市面稱,「見到都有啲男士放手機、銀包喺後褲袋,其實真係好易畀人偷嘢」。有人於是想出抗賊妙計,指「後邊會乜都唔放,免得介爛咗我條褲~」,「買個銀包攝住份報紙裝佢彈弓」。不過樓主回應時依然痛惜牛仔褲,感嘆「又要犧牲條褲?」。
鎅褲黨出沒逐張睇 + 網民機警回應↓↓↓↓
網民細數賊人落手熱點
有網民憶述「40年前好流行咁打荷包」,並建議報警處理。有過來人稱「其實一直都係,特別太子金魚街同花園街」,並詳細指出:
•「打去警署,警方就會泊架車係附近,同有便衣周圍行」,「我之前喺太子金魚街都試過,直頭係應該鎅刀鎅前面牛仔褲,之後點解突然咁透風,原來畀人鎅前褲袋一條直線,不過因為名牌牛仔褲,所以只鎅穿牛仔褲,但!袋依然冇穿。因為出去買貨,銀包有幾皮(幾萬元)」。
接著有更多網民講述自身或耳聞目睹的經歷:
賊人落手熱點:
•「西灣河B出口紅綠燈個到有個大賊係到最少20年,不時聽到同事/街坊俾人鎅」。
•「試過買咗個新荷包,第二日喺西灣河街市就畀人打咗,報警警察叫我喺周邊垃圾桶搵下話啲白粉佬拎咗錢就會掉咗個荷包」。
•「早幾星期,屋企搵人上門裝電器,裝機師傅話佢架車被人破壞,地點都係接近太安樓」。
•「點解成日都係太安樓附近有呢啲,呢個位睇嚟都幾雜」、「對面(西灣河)街市最多」。
•「處處都有賊,我哥上月在北角畀人拉開背囊拉鍊,好彩發覺得快」。
•「我都試過,完全冇感覺,佢哋真係好專業」、「刀片好鋒利」。
•「好多年前我成家人行街,6、7個人! 我屋企人都好似你(樓主)咁樣畀人鎅開牛仔褲,的確完全冇反應,也好彩保住個銀包!之後佢哋完全唔會放銀包後面褲袋」。
•「我老豆都試過搭小巴俾人鎅patpat偷銀包,鎅到咁上下我老豆feel到即刻鬧佢,佢叫落車,下個站走咗佬」。
•「鎅開.用鉗鉗錢,咁樣就唔會被人發現,我以前試過咁樣被人偷錢」。
綜合以上網民開名提到6大賊人落手熱點包括↓↓↓↓
![綜合網民點名6大賊人落手熱點。 綜合網民點名6大賊人落手熱點。](https://image.hkhl.hk/f/1024p0/0x0/100/none/a85590d9b01e6514a0161cc9eac028a5/2024-07/0dem1addp.png)
1. 西灣河太安樓附近
2. 西灣河街市
3. 港鐵西灣河站B出口對出紅綠燈
4. 北角
5. 太子金魚街
6. 太子花園街
網民總結:以前啲古怪嘢走番出嚟
有網民接著為這情況作一總結,「以前啲古怪嘢又走番出嚟」、「我覺得香港去返我兒童年代,又捉小朋友,又刀片鎅袋,背囊又被開拉鍊偷嘢」。
同場加映:「呃錢黨」一家三口 將軍澳街坊見慣見熟
有網民7月13日在facebook群組「將軍澳主場」上載一家三口照片,指「剛剛坑口碰上這一家三口,話朋友往在寳林,因朋友去新加坡工幹明天才返港,想問我借點錢晚飯。話用唔到大陸支(付)寶。因我有巴士到幫不了他們,抱歉」。
此帖一出,網民即群起回應,懷疑這一家三口為騙徒。而一家三口的團隊,除了回應的將軍澳街坊指見慣見熟外,不少網民均曾在全港不同地區碰到過類似場景,對方都是衝著問路人「攞錢」而來,詳情見下圖↓↓↓↓
騙案相關新聞:
WhatsApp騙案|假扮學校付款通知呃4位數字血汗錢 (附「防騙視伏App」照妖步驟)
![WhatsApp騙案|假扮學校付款通知呃4位數字血汗錢 (附「防騙視伏App」照妖步驟) WhatsApp騙案|假扮學校付款通知呃4位數字血汗錢 (附「防騙視伏App」照妖步驟)](https://image.hkhl.hk/f/1024p0/0x0/100/none/ddd3fb094e1399ee6d0182a7d8c1c5a2/2024-07/20240528_NEWS_WHATSAPPV2.png)
妙齡女問人攞飯錢(下集) 行勻全港 讀者爆料:出動XXX作道具
![妙齡女問人攞飯錢(下集) 行勻全港 讀者爆料:出動XXX作道具 妙齡女問人攞飯錢(下集) 行勻全港 讀者爆料:出動XXX作道具](https://image.hkhl.hk/f/1024p0/0x0/100/none/154b5e439779f41566393758ababa658/2024-07/20240413_NEWS_Gril_SV3.png)
妙齡女屯門通街問攞$20飯錢 網民計出日賺高達$????(上集)
![妙齡女屯門通街問攞$20飯錢 網民計出日賺高達$???? 妙齡女屯門通街問攞$20飯錢 網民計出日賺高達$????](https://image.hkhl.hk/f/1024p0/0x0/100/none/ff5a9755c34478a79bae0599909ac030/2024-04/20240402_NEWS_20DOLLAR_ch_0.png)
變聲騙案|「技安」嗲聲嗲氣專呃感情:晚安愛你喲 網民打冷震
![變聲騙案|「技安」嗲聲嗲氣專呃感情:晚安愛你喲 網民打冷震 變聲騙案|「技安」嗲聲嗲氣專呃感情:晚安愛你喲 網民打冷震](https://image.hkhl.hk/f/1024p0/0x0/100/none/21d63cf784cbf2eb132184e61f321029/2024-04/news_boy.png)
騙徒狂發短訊釣水魚? 網民4招退敵 爆笑回應自認:我係你詐騙對象
![騙徒狂發短訊釣水魚? 網民4招退敵 爆笑回應自認:我係你詐騙對象 騙徒狂發短訊釣水魚? 網民4招退敵 爆笑回應自認:我係你詐騙對象](https://image.hkhl.hk/f/1024p0/0x0/100/none/fd43cb2e921148f6c70a97c4de8a1512/2023-09/20230916_NEWS_WEB_J_0.png)
柴灣「春麗」死跟攞錢 街坊:一陣已收咗幾舊水 網民爆最新行蹤......
![柴灣「春麗」死跟攞錢 街坊:一陣已收咗幾舊水 網民爆最新行蹤...... 柴灣「春麗」死跟攞錢 街坊:一陣已收咗幾舊水 網民爆最新行蹤......](https://image.hkhl.hk/f/1024p0/0x0/100/none/218354d82a2d6aa625f0da95fd0b5763/2023-09/20230909_NEWS_WOMAN_J_0.png)
「MIRROR」擊退「名畫黨」瘋傳 港男奇招KO騙徒 網民:好癲!
![「MIRROR」擊退「名畫黨」瘋傳 港男奇招KO騙徒 網民:好癲! 「MIRROR」擊退「名畫黨」瘋傳 港男奇招KO騙徒 網民:好癲!](https://image.hkhl.hk/f/1024p0/0x0/100/none/67fda0e808c714d83f2001a537f437a7/2023-09/20230913_NEWS_MIRROR_cy_0.png)
名畫黨|網民人肉追蹤 總有一張喺附近 十年前肆虐全港曾入侵澳門台灣
![名畫黨|網民人肉追蹤 總有一張喺附近 十年前肆虐全港曾入侵澳門台灣 名畫黨|網民人肉追蹤 總有一張喺附近 十年前肆虐全港曾入侵澳門台灣](https://image.hkhl.hk/f/1024p0/0x0/100/none/c658034c80e479b116c0a3aac2984304/2023-09/20230827_NEWS_PRINTING2_chv2.png)
「名畫黨」出沒踩中要賠錢? 醒目網民教應對妙法免受騙【附「名畫」介紹】
![「名畫黨」出沒踩中要賠錢? 醒目網民教應對妙法免受騙【附「名畫」介紹】 「名畫黨」出沒踩中要賠錢? 醒目網民教應對妙法免受騙【附「名畫」介紹】](https://image.hkhl.hk/f/1024p0/0x0/100/none/1f983f50e6ed4debc5e79613fe6bfb89/2023-08/20230826_NEWS_PRINTING_cy_0_0.png)
「迷暈黨」新招誘苦主埋身 大舉入侵元朗大埔?事主:過一條馬路遇到3個
![「迷暈黨」新招誘苦主埋身 大舉入侵元朗大埔?事主:過一條馬路遇到3個 「迷暈黨」新招誘苦主埋身 大舉入侵元朗大埔?事主:過一條馬路遇到3個](https://image.hkhl.hk/f/1024p0/0x0/100/none/a28ce81a9197b8887c45afe21b32f8f1/2023-09/20230830_taipo_ch.png)
「催眠黨」疑入侵青衣 港爸自動㩒錢奉獻 痛失$XXXX(附騙徒5大特徵)
![「催眠黨」疑入侵青衣 港爸自動㩒錢奉獻 痛失$XXXX(附騙徒5大特徵) 「催眠黨」疑入侵青衣 港爸自動㩒錢奉獻 痛失$XXXX(附騙徒5大特徵)](https://image.hkhl.hk/f/1024p0/0x0/100/none/f24cd9cc55f07693a033d314d6e7862b/2023-08/2023083_news_CYI_ch_1.png)
西環變種「呃食黨」唔要錢改要XX 苦主矇查查破財:我係咪俾人呃咗啊?
![西環變種「呃食黨」唔要錢改要XX 苦主矇查查破財:我係咪俾人呃咗啊? 西環變種「呃食黨」唔要錢改要XX 苦主矇查查破財:我係咪俾人呃咗啊?](https://image.hkhl.hk/f/1024p0/0x0/100/none/f083532c75afc9833ed8c727f7ec7c0e/2023-08/20230731_NEWS_711_cy.png)
油麻地驚現離奇「派錢黨」 逐張20蚊派 網民揭一重點極可疑
![油麻地驚現離奇「派錢黨」 逐張20蚊派 網民揭一重點極可疑 油麻地驚現離奇「派錢黨」 逐張20蚊派 網民揭一重點極可疑](https://image.hkhl.hk/f/1024p0/0x0/100/none/649641ef03876a1554574b70d7b1fcfa/2024-07/20230718_NEWS_yau_cy_0.png)
疑似騙徒多國語言攀談 網民睇起:進步咗好有誠意
騙徒手法層出不窮,現在還要熟用多國語言。有網民近日上載懷疑遇上電騙案的手機whatsapp截圖,見到疑似騙徒以英文、中文和日文留言,真是世界難撈。
![疑似騙徒多國語言攀談 網民睇起:進步咗好有誠意 疑似騙徒多國語言攀談 網民睇起:進步咗好有誠意](https://image.hkhl.hk/f/1024p0/0x0/100/none/44512edfa2265c12b659b727c7e9ebf1/2023-07/20221119_news_cheat_.png)
港男出po尋物遇「呃茶錢黨」 港男分享智破騙徒經驗
![港男出po尋物遇「呃茶錢黨」 港男分享智破騙徒經驗 港男出po尋物遇「呃茶錢黨」 港男分享智破騙徒經驗 ](https://image.hkhl.hk/f/1024p0/0x0/100/none/dfd6f4abb49973a31950b27dae5921e3/2023-07/news_cheat_2.png)