水喉師傅揭公屋氣喉造假 水電舖收千元怪招避巡查 「仲假過無良食品！」｜Juicy叮
發佈時間：13:16 2024-10-29
有水喉師傅拍片，踢爆有水電舖以怪招，為租戶在氣喉造假，以迴避房署巡查，該水喉師傅批評造假手法，「仲假過無良食品！」
水喉師傅揭水電舖裝公屋氣喉「咁樣」造假：↓↓↓↓
水喉師傅C-Fu Chan (陳傳亮)在其個人Youtube頻道上載影片，揭示有水電舖以一千元至二千元，為住戶在安裝氣喉時造假，有關手法最後被房署識破，要求重造。
水喉師傅表示：「房署唔收貨，因為呢個戶主搵樓下啲水電舖做，千幾兩千蚊做假，佢呢啲一睇就知係假嘅，假得很，仲假過啲無良食品。」
假扮駁入馬桶內
片中看到氣喉沒有插進馬桶內，只用玻璃膠封實接駁位，假扮已駁入馬桶內，而另一邊氣喉亦沒有塗上膠水。
該水喉師傅指：「呢到已經見到條喉齊口，佢無鑽落到馬桶，如果鑽個洞落馬桶，人哋都唔會質疑佢呀。」
他用工具輕易插入玻璃膠內：「呢到篤入去已插得入去，即係馬桶無鑽個洞。」「另外條喉無用膠水黏實，只係（用手）㩒落去。」他其後替該住戶從新接駁正規氣喉。
網民：大開眼界
不少網民熱議事件：「做假真係一流。」「......見佢拆嗰下先知條氣喉係假。」「上手ＸＸ師傅造假駁氣喉，20分鐘貨仔收人千幾兩千。」「上手師傅（造假）真係好好搵。」「真的大開眼界。」
有網民分享亦有相似經驗：「舊年屋企裝修，個裝修顧問建議我把氣喉去掉，說沒有用，我話房署有規定架。他們竟然叫我做條假就得啦喎。我不接受，後來安裝坐厠又不妥當，話做了氣喉，坐厠不能貼墻。」
網民又大讚踢爆事件的水喉師傅：「師傅好嘢，呢次真係天才對蠢才。」「勁，咁都搵返條氣喉。」
氣喉平衡沖廁氣壓差
新冠肺炎疫情期間，一些公屋戶出現不同樓層住戶先後感染，懷疑與住戶曾自行改裝氣喉，令病毒經喉管進入室內。
氣喉主要作用是平衡主渠沖廁時的氣壓差。當上層沖廁時，下層大渠的氣壓會增加，氣喉就可以循空氣由氣喉排走，不會推入下層的座廁內。另外，當糞便及污水通過樓層後，會有負氣壓出現，氣喉會引入空氣填補，不會將座廁水吸走。
同場加映：上水公屋戶貼猙獰女鬼照 自製驚恐走廊 房署最後咁處理↓↓↓↓
